16:53 / 21-05-2024
Ruslar hücuma hazırlaşır
14:49 / 21-05-2024
"Mercedes" "Tesla"-ya uduzur
Makron Zelenskiyə yalan vədlər verib
Tarix: 23-04-2024 18:05 | Bölmə: Xəbərlər
Makron Zelenskiyə yalan vədlər verib

Fransa Kiyevə qabaqcıl hava hücumundan müdafiə sistemləri vermək istəmir.

Reyting.az
-ın xəbərinə görə, bunu “Le Monde” nəşri yazıb.

Nəşr xatırladır ki, bir gün əvvəl Ukrayna prezidenti Vladimir Zelenski hava hücumundan müdafiənin ölkəsinin əsas prioriteti olduğunu vurğulayıb.

Bildirilir ki, ukraynalıları təhdid edən təhlükəni anlayan Avropa dövlətləri Amerikanın Ukraynaya dəstəyinin bərpasını alqışladıqdan sonra onlara kömək etmək üçün təşkilatlanmağa çalışırlar. Lakin Nümayəndələr Palatasının 60,8 milyard dollarlıq yeni paketə səs verməsindən sonra bunun reallaşması bir neçə həftə çəkə bilər.

Qeyd edək ki, Avropa Şurasının 17-18 aprel toplantısı zamanı Avropa liderləri Ukraynaya ən kiçik vədlər verməkdə ehtiyatlı davranıblar. Yalnız vəzifəsini tərk etməyə hazırlaşan Hollandiyanın baş naziri Mark Rutte bəzi ölkələrin Ukraynaya ötürmək üçün müəyyən avadanlıqları almağa hazır olduğunu bildirib.

“Biz bilirik ki, bir neçə ölkədə “Patriot” ehtiyatları var, lakin onları birbaşa çatdırmaq istəməyə bilərlər”, - deyə M. Rutte əlavə edib.

Həmçinin qeyd olunur ki, bu sammit çərçivəsində NATO-nun baş katibi Yens Stoltenberq üzv ölkələri alyansın yerli avadanlıqlarının bütün qiymət standartlarına riayət etməkdənsə, prioritetin Ukraynanın hava hücumundan müdafiəsini dəstəkləmək olduğunu göstərən jest etməyə çağırıb.

Onu da əlavə edək ki, Ukrayna prezidenti Vladimir Zelenski Britaniyanın Ukraynaya “Storm Shadov” və digər növ raketlər, yüzlərlə zirehli texnika və su gəmisi, eləcə də sursatlar ötürəcəyini açıqlayıb. Fransa prezidenti Makron isə dünənə qədər Ukraynaya dəstək verəcəyini, hətta öz ordusunu bu ölkəyə göndərə biləcəyini desə də, real iş görməyin zamanı çatdıqda “aradan çıxıb”.

ELÇİN




Bölməyə aid digər xəbərlər
16-05-2024, 13:14 Azərbaycanda əhali artıb

{sape_links}{sape_article}