17:25 / 04-04-2025
“Bazarstore” qanunu pozub
İran prezidenti: Tehran müharibə istəmir
Tarix: 04-04-2025 13:10 | Bölmə: Xəbərlər
İran prezidenti: Tehran müharibə istəmir

İran prezidenti Məsud Pezeşkian ölkəsinin heç bir ölkə ilə müharibə istəmədiyini deyib.

Reyting.az
“Mehr” agentliyinə istinadla xəbər verir ki, o, cümə axşamı axşam saatlarında Səudiyyə Ərəbistanının vəliəhd şahzadəsi Məhəmməd bin Salman ilə telefon danışığında bunu xatırladıb.

M. Pezeşkian vurğulayıb ki, İslam ölkələri ortaq maraqlara arxalanaraq, öz aralarında birlik və dostluğu gücləndirməklə özləri və region üçün sülh, təhlükəsizlik və tərəqqini ən yüksək səviyyədə təmin edə bilərlər.

Onun sözlərinə görə, müsəlman ölkələri öz aralarında birlik və dostluq qursalar, bəzi İslam ölkələrinə, o cümlədən Fələstinə və məzlum Qəzza xalqına qarşı zülm və cinayətlərin qarşısını almaq mümkün olar.

Səudiyyə Ərəbistanının vəliəhd şahzadəsi bin Salman da öz növbəsində İran prezidentinə müsəlman xalqların birliyi çağırışına görə minnətdarlıq edib.

O, İran və Səudiyyə Ərəbistanı arasında əməkdaşlığın artırılmasının regional sabitlik, təhlükəsizlik və inkişafda mühüm nailiyyətlərə gətirib çıxaracağına nikbin olduğunu bildirib.

Səudiyyə vəliəhdi həmçinin İran, Səudiyyə Ərəbistanı və digər ölkələr arasında əməkdaşlığın regionda sülhü gücləndirə biləcəyini vurğulayaraq, Ər-Riyadın regionda gərginliyin azaldılması ilə bağlı istənilən məsələnin həllinə yardım etməyə hazır olduğunu təsdiqləyib.

E. KAMAL




Bölməyə aid digər xəbərlər