12:58 / 07-06-2023
Sabah yağış yağacaq
Müğənni Rəqsanənin kürəkəni həbs edilib
Tarix: 25-05-2023 11:40 | Bölmə: Xəbərlər / Şou-biznes
Müğənni Rəqsanənin kürəkəni həbs edilib

Müğənni Rəqsanənin keçmiş kürəkəni Eşqin Cəlilov həbs edilib.

Reyting.az
“Qafqazinfo”ya istinadla xəbər verir ki, E.Cəlilov Rəqsanənin qızı Aysun İsmayılovaya qarşı fiziki şiddət göstərdiyi üçün barəsində şikayət olunub.

Nəsimi Rayon Polis İdarəsinin əməkdaşları tərəfindən onun barəsində İnzibati Xətalar Məcəlləsinin 510 (xırda xuliqanlıq) və 157-ci (döymə) maddələri ilə protokol tərtib olunaraq məhkəməyə göndərilib. Nəsimi Rayon Məhkəməsinin qərarı ilə, E.Cəlilov 30 sutka inzibati qaydada həbs edilib.

Xatırladaq ki, bir neçə gün əvvəl müğənni R. İsmayılova sosial şəbəkə hesabında canlı yayımda qızı Aysunun Eşqin tərəfindən döyülüb söyüldüyünü bildirmişdi.

Qeyd edək ki, cütlük 2022-ci ilin iyununda ailə həyatı qurub, 2023-cü ilin mayında rəsmi şəkildə boşanıb.

Məlumata görə, Eşqin Cəlilov dünən Aysun İsmayılovanın sahibi olduğu gözəllik salonuna gedərək keçmiş xanımını orada döyüb.

Onu da qeyd edək ki, E.Cəlilovun həbs olunması haqda xəbəri ilk olaraq olay.az saytı yayıb.




Bölməyə aid digər xəbərlər
3-06-2023, 16:25 Ərdoğan and içib

{sape_links}{sape_article}