23:11 / 18-03-2024
Ukrayna ordusu geri çəkilir
AzTV-nin beş əməkdaşı işdən çıxarıldı - Adlar
Tarix: 05-03-2019 14:25 | Bölmə: Cəmiyyət
AzTV-nin beş əməkdaşı işdən çıxarıldı

AzTV-nin yeni rəhbərliyi kadr islahatlarını davam etdirir.

Reyting.az
"Qafqazinfo”ya istinadla xəbər verir ki, bu dəfə işdən çıxarılanlar arasında AzTV sədrinin köməkçisi Fərman Orucov və Kadrlar və Xüsusi İşlər İdarəsinin rəisi Mənsur Bayramovun da adı var.

Xatirə Qasımova isə telekanalın Mətbuat xidmətinin rəhbəri vəzifəsindən azad edilərək eyni qurumun nəzdində fəaliyyət göstərən Televiziya Akademiyasına göndərilib. Eyni zamanda, telekanalın Şahin İbrahimov və Tural Həmidzadə adlı əməkdaşları da tutduqları vəzifədən uzaqlaşdırılıblar.

Belə ki, Şahin İbrahimov Arif Alışanovun rəhbərliyi dövründə adıçəkilən telekanalda çəkilişlərdən kanala daxil olan qeyri-leqal pulları yığmaqla məşğul olduğu üçün o, "kassir Şahin” kimi tanınıb. Daha sonra keçmiş rəhbərlik eyni missiyanı yerinə yetirməsi üçün onu İTV-yə göndərib. Lakin Balakişi Qasımovun İTV-nin direktoru təyin edilməsindən az sonra AzTV-nin köhnə rəhbərliyinin təyin etdiyi bir sıra kadrlar, o cümlədən Şahin İbrahimov yenə eyni əməl və məlum missiyası ilə gündəmə gəlib.

Daha sonra Şahin İbrahimov yenidən AzTV-nin köhnə rəhbərliyi tərəfindən ora gətirilsə də, yeni rəhbərliyin qərarı ilə işdən uzaqlaşdırılıb.

İşdən kənarlaşdırılan Tural Həmidzadə isə “İdman-Azərbaycan” kanalında çalışırmış.

Qeyd edək ki, AzTV-də kadr islahatları davam edir, studiyalar yenidən qurulur, yaradıcı şəxslərə mühüm önəm verilir, canlı veriliş tok-şouların sayı artırılır. Bundan başqa, televiziya filmləri və tamaşalarının illik planı da artıq təsdiqlənib.




Bölməyə aid digər xəbərlər
Dünən, 12:54 Sabah yağış yağacaq
17-03-2024, 14:32 Sabah yağış yağacaq

{sape_links}{sape_article}