Ağdamda mina partlayıb, yaralı var - (Yenilənib+)
Tarix: 21-01-2024 14:11 | Bölmə: Cəmiyyət
Ağdamda mina partlayıb, yaralı var - (Yenilənib+)

Yanvar 21-də Ağdam rayonu ərazisində mina partlayışı baş verib.

Reyting.az
DİN-nin mətbuat xidmətinin regional qrupuna istinadla bildirir ki, Ağcabədi rayon sakini 1980-ci il təvəllüdlü Abışov Faiq Səyyad oğlu ayağından xəsarət alıb. O, polis əməkdaşları tərəfindən xəstəxanaya aparılıb.

Araşdırma aparılır.

***

Ağdamda mina partlayışı nəticəsində şəxsin xəsarət alması faktı üzrə rayon prokurorluğunda araşdırma aparılır.

Reyting.az
xəbər verir ki, bu barədə Baş Prokurorluğun Mətbuat xidmətindən bildiriblər.

Qeyd edək ki, yanvarın 21-də saat 13 radələrində Ağdam rayonunun işğaldan azad edilmiş ərazisində mina partlayışı nəticəsində 1980-ci il təvəllüdlü Ağcabədi rayon Kürtlər kənd sakini Faiq Abışovun xəsarət alması barədə rayon prokurorluğuna məlumat daxil olub.

Prokurorluq əməkdaşları tərəfindən hadisə yerinə baxış keçirilib, digər zəruri istintaq hərəkətləri aparılıb.

***

"Ermənistanın ayrı-seçkilik etmədən yerləşdirdiyi minalar günahsız mülki əhali üçün təhlükə yaratmaqda davam edir”.

Reyting.az
xəbər verir ki, bu, Azərbaycan Xarici İşləri Nazirliyinin “X” sosial şəbəkəsindəki paylaşımında qeyd edilib.

Paylaşımda bildirilir ki, daha bir mülki şəxs minaya düşüb. Qeyd olunur ki, 2020-ci ildən bu yana qurbanların sayı 342 nəfərə çatıb:

“Hamı Ermənistana təzyiq göstərməlidir ki, mina xəritələri haqqında dəqiq məlumat alsın”.




Bölməyə aid digər xəbərlər
11-04-2024, 18:09 Bakıda qətl törədilib
10-04-2024, 12:15 Sabah yağış yağacaq

{sape_links}{sape_article}