12:54 / 24-05-2024
MEDİA müsabiqə elan edib
12:26 / 24-05-2024
Sabah yağış yağacaq
Avropa Məhkəməsi ekoloji problemlərə görə İsveçrəyə qarşı qərar verib
Tarix: 12-04-2024 21:11 | Bölmə: Cəmiyyət
Avropa Məhkəməsi ekoloji problemlərə görə İsveçrəyə qarşı qərar verib

İsveçrədən olan yaşlı fəallar Avropa İnsan Haqları Məhkəməsində (AİHM) ölkə hakimiyyətinə qarşı iqlim iddiasını qazanıblar. Fəalların iddia edirlər ki, onları hökumət iqlim dəyişikliyindən qorumağa cəhd göstərməyib.

Reyting.az
-ın "BBC News"-a istinadla verdiyi məlumata görə, AİHM ilk dəfədir ki, iqlim dəyişikliyi ilə mübarizədə dövlətin fəaliyyətsizliyi ilə bağlı iş üzrə belə qərar qəbul edib.

Bildirilir ki, yaşlı fəallar deyəndə isveçrəli fəalların yaratdığı hərəkatdan, "Klima Seniorinnen" kimi tanınmış İqlim Mühafizəsi üçün Ağsaqqallar Hərəkatının İsveçrə hakimiyyətinə qarşı qaldırdığı bir iddiadan söhbət gedir.

Əksəriyyətinin yaşı 70-dən yuxarı olan 2000-dən çox isveçrəli qadını birləşdirən bu hərəkatın fəalları bildiriblər ki, onların cinsi, eləcə də yaşı qadınları Avropadakı iqlim dəyişikliyinin səbəbindən getdikcə daha da çox artan isti dalğalarına qarşı xüsusilə həssas edir. Onlar İsveçrədə isti düşəndə evlərdən çölə çıxa bilmədiklərini və xəstəliklərdən əziyyət çəkdiklərini iddia ediblər.

Hərəkat öz iddiasında ölkədə baş verən bu iqlim dəyişikliyinə görə məsuliyyətin böyük hissəsinin hakimiyyət orqanlarının üzərinə düşdüyünü sübut etməyə çalışıb.

Məhkəmə qadın fəalların tərəfini tutaraq İsveçrənin iqlim dəyişikliyi ilə mübarizədə həm də istixana qazlarının tullantılarının azaldılması ilə bağlı öhdəliklərini yerinə yetirmədiyini və beləliklə, bu ölkənin Avropa İnsan Hüquqları Konvensiyasının şəxsi və ailə həyatına hörmət hüququ ilə bağlı 8-ci maddəsini pozduğuna qərar verib.

Məhkəmə qərara alıb ki, onların dəstəyi ilə əsas olaraq göstərilən bu maddə ölkə sakinlərinin iqlim dəyişikliyinin onların həyatına, eləcə də sağlamlığına mənfi təsirlərindən dövlət tərəfindən müdafiə olunmaq hüququnu təsbit edir.

Avropa İnsan Haqları Məhkəməsi ölkənin səlahiyyətli orqanlarına xərcə, məsrəflərə görə kompensasiya olaraq ərizəçilərə 80 min avro ödəməyi əmr edib.

Bununla belə hərəkat ona dəymiş ziyana görə heç bir iddia irəli sürməyib.

Oqtay QORÇU





Bölməyə aid digər xəbərlər
Dünən, 12:26 Sabah yağış yağacaq
21-05-2024, 12:12 Sabah yağış yağacaq

{sape_links}{sape_article}