21:05 / 12-07-2024
AFFA yeni qərarlar verib
Tanınmış alimi öldürən şöbə müdiri hakim qarşısına çıxarılıb
Tarix: 20-06-2024 14:30 | Bölmə: Cəmiyyət
Tanınmış alimi öldürən şöbə müdiri hakim qarşısına çıxarılıb

Tanınmış alim Arif Acaloğlunu avtomobillə vurub öldürməkdə ittiham olunan Kliniki Tibbi Mərkəzin (KTM) Toksikologiya şöbəsinin müdiri Azər Maqsudov məhkəmə qarşısına çıxarılıb.

Məlumata görə, Sabunçu Rayon Məhkəməsində keçirilən iclasda Maqsudovun anket məlumatları dəqiqləşdirilib, ilkin dinləmələr keçirilib.

Prosesdə sərbəst mühakimə edilən təqsirləndirilən şəxs tərəfindən hər hansı vəsatət verilməyib. Müdafiə tərəfi işin məhkəmə baxışına verilməsinə etiraz etməyib.

Mərhum A. Acaloğlunun hüquqi varisini təmsil edən vəkillər isə Maqsudova qarşı 400 min manatlıq mülki iddia qaldırıb, həmçinin qarşı tərəfin əmlaklarına həbs qoyulmasını istəyib.

Hakim Anar Rzayev mülki iddianı icraata qəbul edib. Əmlaklara həbs qoyulması ilə bağlı vəsatət isə rədd edilib.

Baxış iclası iyulun 4-nə təyin edilib(Qafqazinfo).

Xatırladaq ki, hadisə ötən ilin noyabrında baş verib. Qəza Maqsudovun evə gedərkən Sabunçu rayonu ərazisində qeydə alınıb. Onun haqda istintaq dövrü müddətində həbslə bağlı olmayan qətimkan tədbiri seçilib.




Bölməyə aid digər xəbərlər
{sape_links}{sape_article}