23:11 / 18-03-2024
Ukrayna ordusu geri çəkilir
20:16 / 18-03-2024
Borrell ikibaşlı danışır
Bir nömrəli “qanuni oğru” tutuldu
Tarix: 15-07-2019 16:14 | Bölmə: Cəmiyyət
Bir nömrəli “qanuni oğru” tutuldu

Hüquq-mühafizə orqanları Moskva vilayətində kriminal avtoritet, müasir Rusiyanın “bossların bossu”, yaxud 1 nömrəli “qanuni oğru”su adlandırılan Oleq Şişkanovu (Şişkan) deputatın qətli işi üzrə saxlayıblar.

Reyting.az Rusiya KİV-nə istinadən bildirir ki, istintaq məlumatına görə, o, 2012-ci ildə Moskva vilayəti, Ramenski rayon qanunverici məclisinin deputatı Tatyana Sidorovanın və onun 3 ailə üzvünün oğurlanması və öldürülməsində iştirakçı olub.

Hazırda “qanuni oğru”nun daha hansı işlə bağlı ola biləcəyi aydınlaşdırılır.

Məlumata görə¸54 yaşlı Şişkan dünən gecə Ramenski rayonu, Popovka kəndindəki evində saxlanılıb.

Şişkan deputata və onun ailə üzvlərinə qarşı törədilən cinayətin sifarişçisi hesab olunur.

Sidorova öz ailəsinin 3 üzvü ilə müəmmalı şəkildə yoxa çıxıb. Onun villasında qan izi aşkar olunsa da, meyitlər tapılmayıb. 2015-ci ildə Şişkanın saxlanılması ilə bağlı uğursuz xüsusi əməliyyatdan sonra onun barəsində axtarış elan edilib, onun guya xaricdə gizləndiyi bildirilib. Ancaq sonradan müəyyənləşdirilib ki, “qanuni oğru” heç kimdən gizlənmir və Moskva vilayətindəki villasında yaşamaqda davam edir.

Şişkan “slavyan” qanadının ən nüfuzlu və tanınmış “oğrus”su hesab olunur. Ötən ilin avqust ayında o, 1 nömrəli “qanuni oğru” seçilib. Beləliklə, 10 ildən çox bu adı daşıyan Zaxariya Kalaşovu “Şakro Molodoy) əvəz edib.

O, qəsdən adam öldürməyə görə yeganə 10 ildən artıq həbsxana həyatını 80-ci illərdə yaşayıb. 1992-ci ildə “taclandırılıb”.

Əgər indi təqsiri sübut olunarsa, ömürlük azadlıqdan məhrum olunacaq.

Reyting.az




Bölməyə aid digər xəbərlər
Dünən, 12:54 Sabah yağış yağacaq
17-03-2024, 14:32 Sabah yağış yağacaq

{sape_links}{sape_article}