17:38 / 28-03-2024
Əməkdar artist vəfat edib
DİM CAE imtahanlarının keçirilməsinə dair lisenziya alıb
Tarix: 04-05-2021 16:23 | Bölmə: Cəmiyyət
DİM CAE imtahanlarının keçirilməsinə dair lisenziya alıb

Dövlət İmtahan Mərkəzi “Cambridge Assessment English” imtahanlarının keçirilməsinə dair lisenziya əldə edib.

DİM-dən Reyting.az-a bildirilib ki, Dövlət İmtahan Mərkəzi 25 sentyabr 2019-cu il tarixində “Cambridge Assessment English” (CAE) beynəlxalq qiymətləndirmə qurumu ilə imzalanmış Anlaşma Memorandumu çərçivəsində 2021-ci ildən etibarən ölkə üzrə CAE rəsmi test mərkəzlərindən biri kimi fəaliyyət göstərməyə başlayıb.

DİM CAE rəsmi test mərkəzlərindən biri kimi “Cambridge English Qualifications”, “Cambridge English Teaching” və “LinguaSkill” imtahanlarını təklif edir, həmçinin müraciət əsasında “Cambridge English Placement Test” imtahanını da təşkil edə bilər.

DİM-in CAE test mərkəzində təklif edilən imtahanlar aşağıdakılardır:

- A2 Key

- A2 Key for Schools

- B1 Preliminary

- B1 Preliminary for Schools

- B2 First

- B1 Business Preliminary

- B2 Business Vantage

- C1 Business Higher

- TKT Modules

Qeyd edək ki, CAE dünyanın qabaqcıl kvalifikasiya və imtahanlarını ingilis dilini öyrənənlər və müəllimlər üçün təklif edir. Hər bir imtahan iştirakçıların danışıq, yazı, oxu və dinləmə bacarıqlarını CEFR (Common European Framework of References for Languages) səviyyələrinə uyğun şəkildə qiymətləndirir. CAE kvalifikasiya və imtahanları dünya miqyasında 25 mindən çox təşkilat, universitet və qurum tərəfindən qəbul edilir.




Bölməyə aid digər xəbərlər
{sape_links}{sape_article}