Azərbaycana casusluqda ittiham olunan şəxsin istintaqı yekunlaşıb
Tarix: 12-05-2021 12:00 | Bölmə: Cəmiyyət
Azərbaycana casusluqda ittiham olunan şəxsin istintaqı yekunlaşıb

Ermənistan Milli Təhlükəsizlik Xidmətinin istintaq idarəsi yüksək rütbəli hərbçi tərəfindən törədilmiş dövlətə xəyanət faktı ilə bağlı cinayət işinin istintaqını başa çatdırıb.

Reyting.az
xəbər verir ki, bu barədə erməni mətbuatı yazır.

Qeyd edilir ki, təqsirləndirilən şəxs Gürcüstanda olarkən Azərbaycan xüsusi xidmət orqanlarının nümayəndələri tərəfindən işə qəbul edilib. Həmin şəxs Qarabağ və Ermənistanın xarici təhlükəsizliyi, Silahlı Qüvvələr, silahlar və ya xidmət daxilində alınan məlumatların ötürülməsi barədə xüsusi tapşırıqlar alıb.

İddiaya görə, adı açıqlanmayan yüksək çinli hərbçi erməni ordusunun sayı, silahları, hərbi texnikası, bölmə zabitləri və digər məlumatları toplamaq istiqamətində fəaliyyət göstərib.

Qeyd edilir ki, dövlət sirrini ehtiva edən məlumatlara sahib olduqdan sonra hərbi texnika, o cümlədən tanklar, əhəmiyyəti artan obyektlər, şəxsi heyəti və ehtiyatları haqqında məlumat toplayıb və saxlayıb.

İddiaya görə, sözügedən şəxs Ermənistan və Qarabağdakı qüvvələrdəki əlqələrindən istifadə edərək, vaxtaşırı həmkarları ilə görüşüb və bölmələrinin konkret hərəkətlərinə maraq göstərib. Sonra isə Gürcüstanda Azərbaycanın kəşfiyyat xidmətlərinin nümayəndələri ilə görüşüb.

Əlavə olaraq telefonla əlaqə quraraq əldə etdiyi məlumatları hissə-hissə ötürüb və digər tapşırıqları da yerinə yetirib.

Keçmiş hərbçi Ermənistan Cinayət Məcəlləsinin 299-cu maddəsinin 1-ci hissəsi (dövlətə xəyanət) ilə ittiham olunur və barsində həbs qətimkan tədbiri seçilib.

Bildirilir ki, axtarışlar zamanı ondan çoxlu miqdarda silah-sursat - əl bombası, partlayıcı maddə, patron, habelə dövlət sirri olan sənədlər tapılıb. Təqsirləndirilən şəxsin mənzilində radioötürücü, digər rabitə vasitələri, mobil nömrələr də aşkarlanıb.

Adı açıqlanmayan şəxsin mütəşəkkil qrupun bir hissəsi kimi fəaliyyət göstərdiyi, qanunsuz olaraq lisenziyalaşdırılan sahibkarlıq fəaliyyəti ilə məşğul olduğu, xüsusən dostu ilə birlikdə hərbi malı xarici dövlətin vətəndaşına satdığı və bununla da dövlətə böyük miqdarda ziyan vurduğu bildirilir.





Bölməyə aid digər xəbərlər
bütün xəbərlər
{sape_links}{sape_article}