15:17 / 28-05-2024
KTN-də yeni təyinat olub
Terror təşkilatının Azərbaycana cavabdeh şəxsi Türkiyədə saxlanılıb - Foto
Tarix: 24-05-2023 14:17 | Bölmə: Cəmiyyət
Terror təşkilatının Azərbaycana cavabdeh şəxsi Türkiyədə saxlanılıb

İstanbulda İŞİD terror təşkilatı ilə mübarizə çərçivəsində 12 şübhəlinin ələ keçirildiyi əməliyyatın təfərrüatları məlum olub. Məlumata görə, əməliyyat İŞİD-in tərkibindəki “Təqva” qrupuna qarşı keçirilib.

Reyting.az
xəbər verir ki, əməliyyat zamanı İŞİD-in Mərmərə bölgəsinin “hakimi” və İstanbul “valisi” də saxlanılıb.

İstanbul Terrorla Mübarizə Şöbəsinin (TEM) qrupları əməliyyatı üç vilayətdə reallaşdırıb.

Suriyadakı qarşıdurma bölgələri ilə strukturlaşdırıldığı aydın olan 12 şübhəlini polis əvvəlcədən təsbit edib, bundan sonra İstanbul, Konya və Antalyada əməliyyat keçirilib. Eyni vaxtda aparılan əməliyyat zamanı şübhəlilərin hamısı saxlanılıb.

Əməliyyatın hədəfi olan strukturun İŞİD terror təşkilatının aşağı qanadı kimi qurulduğu və özlərini “Təqva” qrupu kimi təqdim etdikləri bildirilir.



Əməliyyat zamanı şəbəkənin Mərmərə bölgəsinin quruluşu ifşa edilib. İddiaya görə, terror təşkilatının Mərmərə bölgəsi üzrə “hakimi” Bilal adlı şəxs olub. Ona təlimat Suriyadan verilib.

İstanbul “valisi”nin isə Salman adlı şəxs olduğu bildirilir.

Polis qrupları terror təşkilatının sözdə logistika və sosial təşkilatlanma üzrə məsul şəxsini də müəyyən edib. Bu, Azərbaycan əsilli Əbdürrəhman Mehdiyev. Bu şəxsin rəhbərlik etdiyi strukturun həm də Suriyaya gedən və İŞİD-ə qoşulanların yaxınlarına yardım etdiyi bildirilir. Ə. Mehdiyevin “Təqva” qrupunda Azərbaycan üzrə cavabdeh şəxs olduğu da iddia olunur.

Araşdırmalarla İstanbulun Ataşehir, Başakşehir, Bağcılar, Esenler, Esenyurt, Kartal, Küçükçekmece və Pendikdə terror strukturunun formalaşdığı öyrənilib.

Şübhəlilərin pul yığdıqları və təşkilata üzv qəbul etdikləri də verilən məlumatlar sırasındadır.

Məlum olub ki, Bilal adlı şəxs təşkilat üzvləri ilə məscid kimi istifadə etdikləri ünvanda görüşürmüş.

E. KAMAL
Reyting.az




Bölməyə aid digər xəbərlər
24-05-2024, 12:54 MEDİA müsabiqə elan edib
24-05-2024, 12:26 Sabah yağış yağacaq

{sape_links}{sape_article}