İşsiz şəxslərlə bağlı yeni qaydaların tətbiqinə başlanılır
Tarix: 30-07-2019 09:58 | Bölmə: Gündəm
İşsiz şəxslərlə bağlı yeni qaydaların tətbiqinə başlanılır

Nazirlər Kabineti “İşaxtaran və işsiz şəxslərin qeydiyyata alınması Qaydası”nı təsdiqləyib.

Reyting.az
-ın məlumatına görə, bu qaydaya əsasən, işaxtaran və işsiz şəxslər Əmək və Əhalinin Sosial Müdafiəsi Nazirliyi yanında Dövlət Məşğulluq Xidmətinin şəhər, rayon məşğulluq orqanlarında və “DOST” mərkəzlərində qeydiyyata alınacaq.

Müraciət Mərkəzləşdirilmiş Elektron İnformasiya Sisteminin (MEİS) “Məşğulluq” altsistemi (MAS) tərəfindən qəbul edildikdən sonra həmin şəxs işaxtaran kimi qeydiyyata alınır və bu barədə məlumat MAS tərəfindən işaxtaranın elektron kabinetində yerləşdirilir və mobil nömrəsinə göndərilir. İşaxtaranın məşğul şəxs olduğu müəyyən edildikdə, onun işsiz şəxs kimi qeydiyyata alınmasına yol verilmir.

İşaxtaran və işsiz kimi qeydiyyata alınmış şəxslər qanunda nəzərdə tutulmuş aktiv məşğulluq tədbirinə cəlb edildiyi zaman bu barədə məlumatlar Mərkəz tərəfindən fərdi məşğulluq vərəqinə daxil edilir və MEİS tərəfindən avtomatik yoxlanılaraq yenilənir.

Şəxs işaxtaran kimi qeydiyyata alındığı gündən 5 iş günü müddətində Mərkəz vakansiya bankından münasib iş təklifini seçərək işaxtaranın şəxsi kabinetində yerləşdirir. Münasib işdən imtina etdiyi halda işaxtaran həmin iş təklifini qəbul etməməsi səbəblərini göstərməlidir. Bu səbəblər Mərkəz tərəfindən əsaslı hesab edildikdə işaxtarana yeni münasib iş təklif edilir.

İşsiz kimi qeydiyyata alınmayan və ya işsiz kimi qeydiyyatı ləğv olunan şəxs işaxtaran kimi qeydiyyatda saxlanılır və işsiz kimi qeydiyyata alınmaq üçün 1 aydan sonra təkrar müraciət etmək hüququna malikdir. İşaxtaranın məşğul şəxs olduğu müəyyən edildikdə onun işsiz şəxs kimi qeydiyyata alınmasına yol verilmir və bu barədə məlumat səbəbi göstərilməklə onun şəxsi kabinetində yerləşdirilir.скачать dle 10.5фильмы бесплатно




Bölməyə aid digər xəbərlər
{sape_links}{sape_article}