17:38 / 28-03-2024
Əməkdar artist vəfat edib
DÇ-2020: Azərbaycan Rusiyaya qalib gəlib
Tarix: 30-01-2020 22:53 | Bölmə: İdman
DÇ-2020: Azərbaycan Rusiyaya qalib gəlib

Bu gün Azərbaycan milli komandası DÇ-2020-nin elit-raund mərhələsi çərçivəsində ikinci oyununu keçirib.

Məlumata görə, komandamız Rusiya yığması ilə qarşılaşıb. 

Osiyek şəhərindəki “Qradski vrt Arena”da baş tutan görüşə fəal başlayan Joze Alesio da Silvanın yetirmələri Rafael Vilelanın erkən qolu ilə hesabda önə keçib. Lakin komandamız ilk yarıda üstünlüyünü qoruya bilməyib.

Şimallılar fasiləyədək nəinki hesabda tarazlıq yaradıb, hətta irəli çıxıblar. Milli yalnız ikinci hissənin sonlarında daha üç qol vurmağa nail olub. Everton Kardosonun bərabərlik topu komandanı daha da ümidləndirib. Bundan ruhlanan komanda İsa Atayevin və Everton Kardosonun yenidən fərqlənməsi ilə qələbə qazanıb. Şimallılar yalnız bunlardan birinin əvəzini çıxıblar. Bu qələbə ilk turda Xorvatiyaya 0:2 hesabı ilə uduzan komandamızın nəinki 2-ci yer, hətta 1-ci yer şansını saxlamaq imkanı verib.

Qeyd edək ki, günün digər matçında Xorvatiya ilə Slovakiya üz-üzə gələcək. Millimizin Slovakiya ilə qarşılaşacağı son turun matçları fevralın 1-də keçiriləcək.

20:00. Azərbaycan - Rusiya - 4:3

Qollar: Rafael Vilela, 2, Everton Kardoso, 34, 40, İsa Atayev, 36 - Romulo, 16, Danil Davidov, 18, Artem Antoşkin, 40
Hakimlər: Alessandro Malfer, Angelo Gala

ApaSport




Bölməyə aid digər xəbərlər
{sape_links}{sape_article}