Türkiyə Avropa kuboklarında 5 komanda ilə yarışacaq
Tarix: 19-05-2023 09:46 | Bölmə: İdman
Türkiyə Avropa kuboklarında 5 komanda ilə yarışacaq

Türkiyə 2024/25 mövsümündən Avropa kuboklarında 5 komanda ilə təmsil olunacaq.

“NTV Spor” xəbər verir ki, qeyd edilən mövsümdə bu ölkə UEFA-nın klub reytinqində 12-ci pillədə yer alacaq. Bu, dünən gecə “Bazel”in Konfrans Liqasının yarımfinalında “Fiorentina”ya uduzmasından sonra bəlli olub. Onların mübarizəni dayandırması səbəbindən İsveçrənin reytinqdə Türkiyəni keçə bilməyəcəyi qətiləşib.

Beləliklə, 2024/25 mövsümündən başlayaraq, Türkiyə Avropa kuboklarında 2-si Çempionlar Liqasında olmaqla 5 komanda ilə yarışacaq. Onlar yarışa aşağıda qeyd olunan mərhələdən başlayacaqlar:

Superliqanın qalibi: Çempionlar Liqasının pley-off mərhələsindən

Superliqanın ikincisi: ÇL-in 2-ci mərhələsindən

Superliqanın üçüncüsü: Avropa Liqasının 3-cü mərhələsindən

Superliqanın dördüncüsü: Konfrans Liqasının 2-ci mərhələsindən

Türkiyə kubokunun qalibi: Avropa Liqasının pley-off mərhələsindən.

Xatırladaq ki, 2023/24 mövsümündə Türkiyə cari mövsümdə olduğu kimi Avropa kuboklarına 4 komanda (ÇL-də 1 komanda) ilə qatılacaq.(Qol.az)




Bölməyə aid digər xəbərlər
8-09-2023, 17:41 Teymur Rəcəbov uduzub

{sape_links}{sape_article}