12:58 / 07-06-2023
Sabah yağış yağacaq
Dünyanın ən varlı adamı bir gündə 11,2 milyard dollar itirib
Tarix: 24-05-2023 16:02 | Bölmə: İqtisadiyyat
Dünyanın ən varlı adamı bir gündə 11,2 milyard dollar itirib

LVMH-nin qurucusu və dünyanın ən varlı adamı Bernard Arnault zəifləyən ABŞ iqtisadiyyatının dəbdəbəli mallara tələbi azaldacağı xəbərlər fonunda bir gündə cəmi 11,2 milyard dollar itirib.

Reyting.az
xəbər verir ki, bu barədə “Bloomberg” məlumat yayıb.

LVMH səhmləri zəifləyən ABŞ iqtisadiyyatının dəbdəbəli mallara tələbi azaldacağı qorxusu fonunda geriləyib. Bu səbəbdən Arno bir gündə 11,2 milyard dollar zərərə düşüb. Mayın 23-ü axşam saatlarında onun sərvəti 191,6 milyard dollar olub.

Onu da qeyd edək ki, LVMH, “Louis Vuitton”, “Moet & Chandon” və “Christian Dior” kimi lüks brendlərə sahibdir. Eyni zamanda, şirkətin səhmləri il ərzində 23 faiz bahalaşıb.

Yanvarın əvvəlində “Forbes” jurnalı yazmışdı ki, “Tesla”-nın baş direktoru və “SpaceX”-in baş mühəndisi İlon Mask, “Amazon” internet şirkətinin təsisçisi Ceff Bezos, “Meta”-nın həmtəsisçisi Mark Zukerberq, “Google”-nin ana şirkəti “Alphabet”-in baş direktoru Larri Peyc və “Google”-nin təsisçi Sergey Brin birlikdə 378 milyard dollar itiriblər.

Bundan əvvəl “Bloomberg” Rusiyadan olan milyarderlərin ümumi sərvətinin son bir ildə 93,753 milyard dollar azaldığını bildirmişdi.

ELÇİN




Bölməyə aid digər xəbərlər
{sape_links}{sape_article}