2700 psixoloqu sorğu-sual edəcəklər
Tarix: 09-12-2019 20:39 | Bölmə: Xəbər lenti
2700 psixoloqu sorğu-sual edəcəklər

Dövlət ümumi təhsil müəssisələrində işləyən 2600-2700 psixoloqun diaqnostik qiymətləndirmədə iştirak edəcəyi proqnozlaşdırılır.

Reyting.az
xəbər verir ki, bunu Təhsil Nazirliyinin İnsan resursları şöbəsinin müdir müavini Murad Camalzadə deyib.

M. Camalzadə psixoloqlar üçün diaqnostik qiymətləndirmədə iştirakın məcburi olmadığını söyləyib:

"Psixoloqlar diaqnostik qiymətləndirmədə öz arzuları əsasında iştirak edəcəklər. Lakin tövsiyə edilir ki, psixoloqlar diaqnostik qiymətləndirmədə iştirak etsinlər. Çünki bu, onların sonrakı fəaliyyətinə də müsbət təsir edəcək".

Nazirlik rəsmisi əlavə edib ki, psixoloqların diaqnostik qiymətləndirməsi elektron üsulla keçiriləcək. İmtahanda psixoloqlara 90 dəqiqə ərzində 60 test tapşırığı təqdim ediləcək. İmtahanda bir suala verilən düzgün cavab bir balla qiymətləndiriləcək.

M. Camalzadə bütün namizədlərin eyni gündə imtahan verməsinin texniki baxımdan mümkün olmadığını da söyləyib.

O əlavə edib ki, imtahanların gün ərzində 3 seans olmaqla, 3-4 gün davam edəcəyi gözlənilir.

Qeyd edək ki, psixoloqların diaqnostik qiymətləndirilməsi üzrə imtahanın dekabrın 20-30-da Bakıda keçirilməsi planlaşdırılır.(Trend)




Bölməyə aid digər xəbərlər
22-09-2020, 17:46 Azərbaycana payız gəlib

bütün xəbərlər
bütün xəbərlər
{sape_links}{sape_article}