Yazıçılar Birliyinin üzvü DTX rəisinə müraciət edib - Foto
Tarix: 22-10-2020 18:09 | Bölmə: Xəbər lenti
Yazıçılar Birliyinin üzvü DTX rəisinə müraciət edib

Şair-dramaturq Ramiq Muxtar Azərbaycan Respublikası Dövlət Təhlükəsizliyi Xidmətinin rəisi, general-leytenant Əli Nağıyevə açıq məktub yazıb. Məktubun yazılmasına səbəb yazıçı Əvəz Sadıqın ailə üzvünün üzləşdiyi problemdir.

Reyting.az
R. Muxtarın Ə. Nağıyevə açıq məktubunu təqdim edir:

“Çox hörmətli general!

Mən, Ramiq Muxtar (Nağıyev) 1980-ci ildən Azərbaycan Yazıçılar Birliyinin üzvüyəm. Artıq 80 yaşım var və xərçəng xəstəliyindən əziyyət çəkirəm. Azərbaycan Respublikasının Prezidenti və xanımı məni iki dəfə xarici ölkəyə cərrahi əməliyyata göndəriblər. Prezidentin fərdi təqüdçüsüyəm, “Şərəf” ordenliyəm, iki oğlum hərbçi zabitdir.

Cənab Nağıyev!

“Kirpi” jurnalının ilk redaktoru olmuş görkəmli yazıçı Əvəz Sadıqın nəvəsi Esmira Samid qızı Məmmədova mənə müraciət edərək “Kapital Bank”ın ona yaratdığı problemlərdən danışdı. Belə ki, vaxtilə Esmira Məmmədovanın yaşadığı Bakı şəhəri, Vəli Məmmədov küçəsi, 22, mənzil 40-da (Qız Qalasının yanı) qonşusu Lətafət xanımın evində kirayədə qalan Tahirə Əbilova onu aldadaraq Sumqayıt şəhərində olan mənzilini və bacısı Vəzifənin mənzilinin Çıxarışını (kupçasını) göstərərək, onun 3-cü mərtəbədəki 163 kv.m 6 otaqlı mənzilini və 200 kv.m mansartını “Kapital Bank”a girov qoyub. Tahirə Əbilova Esmira Məmmədovanı aldadaraq bu girovun müqabilində adıçəkilən bankdan 182 min 500 manat kredit görürərək Türkiyəyə qaçıb. Çox qəribədir ki, bank ona əlavə olaraq 500 min manatlıq qızıl kart da verib. Sonra məlum olub ki, Tahirə Əbilova eyni zamanda bir neçə bankdan kredit götürüb. Müxtəlif şəxsləri aldadaraq puluna tamah salan bu qadın məsuliyyətdən yayınmaq üçün 2015-ci ildə ölkədən qaçıb. İnterpolun axtardığı T. Əbilova tez-tez bacısı ilə əlaqə saxlayır. O, Türkiyə vətəndaşı ilə ailə qurduqdan sonra soyadını dəyişib. “Kapital Bank” isə dələduz tərəfindən aldadılan Esmira Məmmədovanın 700 min manat dəyəri olan mənzilini 200 min manat dəyərləndirib öz balansına keçirmək istəyir”.


R. Muxtar

R. Muxtar Ə. Nağıyevdən xahiş edir ki, bu məsələ ilə bağlı komissiyanın yaradılmasına və E. Məmmədovanın üzləşdiyi ciddi problemin həllində səlahiyyəti çərçivəsində köməklik göstərsin.

R. Muxtar zərərçəkmiş E. Məmmədovanın ünvanını və telefon nömrəsini də (Səbail rayonu, Vəli Məmmədov küçəsi, 22, mənzil 40. Tel. 492-86-76. (Ramiq Muxtar 050-344-29-11)) məktubuna əlavə edib.




Bölməyə aid digər xəbərlər
bütün xəbərlər
bütün xəbərlər
{sape_links}{sape_article}