Hollivud ulduzunun bənzəri müsabiqənin qalibi olub - Fotolar
Tarix: 07-05-2025 10:07 | Bölmə: Mədəniyyət
Hollivud ulduzunun bənzəri müsabiqənin qalibi olub

Hollivud ulduzu, aktyor Nikolas Keycin bənzərləri arasında müsabiqə keçirilib. İngiltərənin London şəhərində reallaşan şounun əsas qalibi seçilmiş Daniel Breyer aktyor Nikolas Keycin "Arizonanı yüksəltmək" komediyasındakı obrazını təqlid edib.

Reyting.az
"Daily Mail" nəşrinə istinadla xəbər verir ki, Daniel Breyer bu birinciliyin onun üçün gözlənilməz olduğunu bildirib.

Breyer iştirakçılara və münsiflərə müraciətlə deyib ki, "Həyatım boyu güldüm, ancaq mənim də, anım gəldi".

Müsabiqə iştirakçıları bənzərlər yarışmasına Nikolas Keycin bir çox obrazlarının geyim tərzində qatılıblar.



Bununla belə, müsabiqənin qalibi Koen qardaşlarının rejissorluğu ilə 1987-ci ildə çəkilmiş "Arizonanı yüksəltmək" filmində Keycin personajının havay köynəkli, bığlı obrazını tanınacaq bir şəkildə canlandıra bilən Daniel Breyer olub. Breyer bildirib ki, o, həmişə Keycin bənzəri kimi özünə ciddi yanaşmayıb, lakin bu qələbə ona böyük stimul verib.

Breyer bir daha öz dediklərini təkrarlayıb: "Həyatım boyu özümə güldüm, lakin indi parıldamaq vaxtıdır".

Son zamanlar məşhurlara bənzəyənlərin müsabiqələri xüsusilə populyarlaşıb. Belə müsabiqələr müxtəlif ölkələrdə və şəhərlərdə keçirilir.




Oqtay QORÇU




Bölməyə aid digər xəbərlər