Mədəniyyət Nazirliyi yeni layihəyə start verir
Tarix: 26-10-2021 11:36 | Bölmə: Mədəniyyət
Mədəniyyət Nazirliyi yeni layihəyə start verir

Mədəniyyət Nazirliyi YARAT Müasir İncəsənət Məkanı ilə birgə “Mədəni yenilənmə” adlı yeni multidistiplinar layihəyə start verir. Layihənin başlıca məqsədi xaricdə yaşayan, musiqi, teatr, kino, ədəbiyyat və elm sahəsində peşəkar uğurlara imza atmış istedadlı soydaşlarımızın fəaliyyəti ilə Azərbaycan tamaşaçılarını tanış etməkdir.

Reyting.az
xəbər verir ki, maarifləndirici xarakter daşıyan bu təşəbbüs tanınmış və istedadlı azərbaycanlıların yaradıcılığını gənclərimizə daha yaxın və daha anlaşılan edəcək.

“Mədəni yenilənmə” layihəsini həm də bu çətin pandemiya dövründə incəsənət və elm xadimlərinin rolunu və əhəmiyyətini cəmiyyətə xatırlatmaq cəhdi kimi qiymətləndirmək olar.

Fəaliyyət növündən asılı olaraq, layihənin hər bir iştirakçısına müxtəlif formatlı tədbirlərdə (ustad dərsləri, mühazirələr, yaradıcılıq görüşləri, konsertlər, film nümayişləri, monotamaşalar və s.) iştirak imkanı veriləcək.

Layihə çərçivəsində ilk qonaq teatr prodüseri, rejissor, Rusiya Dövlət Teatr Sənəti Akademiyasının (QİTİS) ifaçılıq sənətləri üzrə prodüserlik və menecment kafedrasının rəhbəri, sənətşünaslıq üzrə fəlsəfə doktoru, dosent Elşən Məmmədov olacaq.

Giriş sərbəstdir
Tarix: 28 oktyabr 2021-ci il
Saat: 19:00
Məkan: Səməd Vurğun adına Azərbaycan Dövlət Akademik Rus Dram Teatrı

İştirakçı sayı məhduddur
Qeydiyyat üçün: 050-246-92-92
COVİD pasportun olması mütləqdir.




Bölməyə aid digər xəbərlər
bütün xəbərlər
{sape_links}{sape_article}