Mehriban Zəki Oqtay Əliyevin ölümündən yazıb: "Dilarə ilə mən qışqırırdıq: Oqtay... Oqtay... Oqtay..."
Tarix: 24-03-2023 13:16 | Bölmə: Mədəniyyət
Mehriban Zəki Oqtay Əliyevin ölümündən yazıb: "Dilarə ilə mən qışqırırdıq: Oqtay... Oqtay... Oqtay..."

Martın 22-də Abşeron rayonunda əməkdar mədəniyyət işçisi Oqtay Əliyevin ölümü nəticələnən qəzada yaralanan Xalq artisti Mehriban Zəki həmin faciəli olay barədə açıqlama verib.

Reyting.az
xəbər verir ki, o, bu barədə sosial şəbəkədəki səhifəsində paylaşım edib: "İlk tanıdığım gündən hər zaman bütün problemlərin həllini tapar, xəstələnəndə belə problem yoxdur keçib gedəcək deyər, insanları yalnız gülərüz görmək istər, hər zaman hamını süfrə başına yığar, həmin süfrəni şəxsən özü açmaqdan zövq alar, bütün arzularında İrəvana getmək istərdi. Hər zaman hay-küylü, coşub daşan Oqtayın həmin an səsi belə çıxmadı. Bu dəfə Dilarə ilə mən qışqırırdıq: Oqtay... Oqtay... Oqtay... O isə susurdu. O susurdu, maşın çevrilirdi...

Bu, sadəcə qəzavü-qədər idi.

Mən sağalacağam. Qolum da, qabırğalarım da bitəşəcək, üzüm də bərpa olacaq.

Dilarə də inşallah özünü toparlayar. O, çox güclü qadındır. Amma Oqtay əbədi susacaq. Allah sizə rəhmət eləsin, Oqtay.

Martın 22-i belə yazıldı bizim üçün”.

Reyting.az




Bölməyə aid digər xəbərlər
{sape_links}{sape_article}