Rusiya və KXDR liderləri tərəfdaşlıq sazişi imzalayıb
Tarix: 19-06-2024 16:03 | Bölmə: Siyasət
Rusiya və KXDR liderləri tərəfdaşlıq sazişi imzalayıb

Rusiya lideri Vladimir Putin və Şimali Koreya lideri Kim Çen In “Rusiya və KXDR arasında hərtərəfli strateji tərəfdaşlıq” haqqında saziş imzalayıblar.

Reyting.az
xəbər verir ki, sənəd iştirakçılardan birinə qarşı təcavüz halında qarşılıqlı yardımın göstərilməsini nəzərdə tutur.

Putinin sözlərinə görə, Rusiya imzalanmış sazişlə bağlı KXDR ilə hərbi-texniki əməkdaşlığın inkişafını istisna etmir.
Eyni zamanda Kim Çen In iddia edib ki, bu razılaşma sülh və müdafiə xarakteri daşıyır. O, Rusiyanı “ən vicdanlı dost və müttəfiq”, Putini isə “Koreya xalqının ən əziz dostu” adlandırıb.

Qeyd edək ki, Rusiya lideri V. Putin Şimali Koreyaya səfər edib. İki gün davam edəcək səfərdə ölkələr arasında strateji tərəfdaşlıq müqaviləsi imzalanmalıdır.

Səfər ərəfəsində Putin müharibədə Rusiyaya dəstək verdiyi üçün KXDR-ə təşəkkür edib.

ELÇİN




Bölməyə aid digər xəbərlər
{sape_links}{sape_article}