17:38 / 28-03-2024
Əməkdar artist vəfat edib
İcra başçısı istefa verib - Açıqlama
Tarix: 31-10-2019 13:34 | Bölmə: Siyasət
İcra başçısı istefa verib

Xaçmaz rayonunun icra başçısı Şəmsəddin Xanbabayev vəzifəsindən istefa verib.

Reyting.az
-ın xəbərinə görə, “Yeni Sabah”-a açıqlamasında Ş. Xanbabayev istefa verməsi ilə bağlı yayılan məlumatları təsdiqləyib. “Artıq yaşlıyam. Ölkədə ciddi islahatlar gedir. Mən də Prezidentin çağırışına səs verərək istefa verməyi qərara aldım”, - deyə Ş. Xanbabayev əlavə edib.

O digər yaşlı məmurların da ölkə başçısının çağırışına səs verəcəyinə ümidi etdiyini bildirib. “Belə də olmalıdır. Hər halda bunlar ölkədəki vəziyyəti, gedən inkişafı başa düşməlidirlər. Şübhəsiz ki, gənc nəsil daha yaxşı, yeni ideyalarla işləyəcək. Ona görə də bu çoxdan lazım idi. Mən bunu çox yüksək qəbul edirəm.

İndi öz aramızdır. Mən ulu öndərlə, Allah ona qəni-qəni rəhmət eləsin, Prezidentimizlə işləmişəm. Mənə elə gəlir ki, vicdanla, namusla, qeyrətlə xidmət etmişəm. Harda oluramsa olum, evdə olum, pensiyada olum, yenə də möhtərəm Prezidentə və Heydər Əliyevin yoluna hörmətimi və dəstəyimi göstərməyə hazıram. Başqa cür ola da bilməz”, - deyə o bildirib.

Ş. Xanbabayevin sözlərinə görə, artıq istefa ərizəsini təqdim edib. O, bundan sonra vaxtını nəvələrilə keçirəcəyini deyib.

Qeyd edək ki, Ş. Xanbabayevin 81 yaşı var.

Reyting.az




Bölməyə aid digər xəbərlər
17-03-2024, 12:16 “Kompas” səmtini azıb

{sape_links}{sape_article}