Pənah Hüseyn deputat olmaq istəmir - Qərar
Tarix: 14-12-2019 16:21 | Bölmə: Siyasət
Pənah Hüseyn deputat olmaq istəmir

Azərbaycan Xalq Partiyasının (AXP) sədri, keçmiş Baş Nazir Pənah Hüseyn 2020-ci il fevralın 9-da keçiriləcək növbədənkənar parlament seçkilərində iştirak etməyəcək.

Reyting.az
xəbər verir ki, bunu Modern.az-a açıqlamasında P. Hüseyn özü bildirib.

“Sabah partiyanın Mərkəzi Şurasının iclası olacaq və orada növbədənkənar seçkilərlə bağlı qərar qəbul olunacaq. Mən belə hesab edirəm ki, üzvlərimizin hər biri iştirak edə bilər. Təbii ki, partiya mənsubiyyətini göstərməklə. Mənim özümün şəxsən seçkilərə qatılmaq barədə heç bir fikrim yoxdur. Qərarım qətidir, bu gündən etibarən bildirirəm ki, mən seçkilərə qatılmayacam”, - deyə AXP sədri bildirib.

Qeyd edək ki, P. Hüseyn 2005-ci il parlament seçkilərində “Azadlıq” seçki blokunun vahid namizədi kimi Sabirabad rayonundan Milli Məclisə deputat seçilib. Sonrakı seçkilərdə isə parlamentə seçilə bilməyib.

Reyting.az




Bölməyə aid digər xəbərlər
bütün xəbərlər
bütün xəbərlər
{sape_links}{sape_article}