Səddam Huseyni 7 ay sorğu-sual etmiş agent maraqlı açıqlama verib
Tarix: 02-04-2023 10:45 | Bölmə: Siyasət
Səddam Huseyni 7 ay sorğu-sual etmiş agent maraqlı açıqlama verib

İraqın devrilmiş lideri Səddam Hüseyni dindirmək üçün ABŞ tərəfindən xüsusi təyin olunmuş Federal Təhqiqatlar Bürosunun (FTB) agenti bu ölkənin işğalının 20-ci ildönümündə gizli saxlanılan danışıqlar barədə diqqətçəkən açıqlamalar verib.

Reyting.az
xatırladır ki, ABŞ-ın o zamankı prezidenti Corc Buş 2003-cü il martın 19-da ölkənin kütləvi qırğın silahları ilə dolu olduğunu iddia edərək, İraqın işğalına əmr vermişdi.

ABŞ-ın rəhbərlik etdiyi koalisiya qüvvələri paytaxt Bağdada daxil olduqdan sonra yoxa çıxan dövrün lideri Səddam Hüseyn dekabrın 13-də Şimali İraqda bir çuxurdan tapılmışdı.

Səddam Hüseyn tutulduqdan sonra ABŞ administrasiyası FTB agenti Corc Piroya ölkənin indiyə qədər etdiyi ən mühüm sorğu-suallardan birini keçirməyi tapşırmışdı.



Heç kimin buraxılmadığı dindirmə otağında yeddi ay ərzində Səddam Hüseynlə danışan FTB agenti bildirib ki, öncə ona zəng gəlib: “Səddam Hüseynlə bir il keçirməyə hazırlaşın”,- deyildi. Bu, əvvəlcə məni qorxutdu”.

Vəzifəsini layiqincə yerinə yetirmək üçün S. Hüseyn haqqında kitablar alan, həyatını əvvəldən sona qədər araşdıran Piro bildirib ki, devrilmiş lider ilk görüşündə ona baxıb və 30 saniyə ərzində iki şeyi anladıb:

"İçəri girəndə adımın Corc Piro olduğunu, onu sorğu-sual etməyin mənə tapşırıldığını dedim. O, mənə baxdı və "sən livanlısan",- dedi. O, livanlıları sevirdi".

7 aylıq sorğu-sual prosesi ilə bağlı diqqətçəkən açıqlama verən Piro deyib ki, əvvəlcə Səddamı ancaq səhərlər görürdüm: "Rəsmi sorğular həftədə bir və ya iki dəfə aparılırdı və bir neçə saat davam edirdi. Zaman keçdikcə onunla daha çox təkbətək vaxt keçirməyə başladım. Ondan həyatda nəyə dəyər verdiyini, nəyi bəyəndiyini və nəyi bəyənmədiyini soruşdum. Beləliklə, tarixdən sənətə, idmandan siyasətə qədər hər şey haqqında danışdıq”.



O dövrdə istifadə edilən qabaqcıl sorğu-sual üsullarından istifadə etmədiyini bildirən Pironun sözlərinə görə, Səddamın dürüst, səmimi və mövzunu müzakirə etmək istəyində olduğunu hiss edənə qədər ona kütləvi qırğın silahları və ya “Əl-Qaidə” barədə sual verməyib:

"Sonrakı söhbətlərimizdə o, mənə Üsamə bin Ladeni sevmədiyini və “Əl-Qaidə” ideologiyasına inanmadığını söylədi. O, ABŞ administrasiyasının əlində olduğundan qorxduğu kütləvi qırğın silahlarına sahib olmadığını söylədi. O, bildirdi ki, ölkəsinin ən qəddar düşməni ABŞ və ya İsrail deyil, İrandır. Kütləvi qırğın silahlarının olduğunu deyəndə isə məqsədi İranı qorxutmaq olub".

E. KAMAL




Bölməyə aid digər xəbərlər
17-03-2024, 12:16 “Kompas” səmtini azıb

{sape_links}{sape_article}