İlham Əliyev konfrans iştirakçılarına müraciət ünvanlayıb (Yenilənib)

Xəbər lenti

23:19 / 07-12-2023

Azərbaycan çempionatı: boks üzrə finalçılar bəlli olub

22:39 / 07-12-2023

Şarl Mişel Azərbaycan ilə Ermənistanın qərarını alqışlayır

22:28 / 07-12-2023

Azərbaycanın azad edəcəyi ermənilərin adları açıqlanıb - (Siyahı)

22:02 / 07-12-2023

Quba və Qəbələ “İdman Paytaxtı”, Sumqayıt “Gənclər Paytaxtı” seçilib

21:10 / 07-12-2023

Azərbaycanla Ermənistan hərbçilərin qarşılıqlı azad edilməsinə razılaşıb

19:03 / 07-12-2023

“Bu, Azərbaycanın bütün ərazilərində ilk seçki olacaq” - Professor

18:30 / 07-12-2023

Rəsmi Bakı problemin həllinə nail olub - Professor

18:04 / 07-12-2023

Azərbaycan və Kolumbiya XİN-ləri arasında siyasi məsləhətləşmələr keçirilib

17:59 / 07-12-2023

Meyxanaçı: "Balaəlinin hal-hazırda oxuduğu mahnılar meyxana deyil"

17:45 / 07-12-2023

Azərbaycanla İraq arasında yeni sənədlər imzalanıb

17:34 / 07-12-2023

17 nəfəri yeyən hannibal...

17:31 / 07-12-2023

Ada ölkəsində 7.3 bal gücündə zəlzələ olub

17:15 / 07-12-2023

Yeni binalardakı elektrik, su və qaz sayğacları ilə bağlı əhaliyə xəbərdarlıq olunub

17:06 / 07-12-2023

Baş nazir şəhid ailələrinə güzəştlərlə bağlı qərar verib

17:04 / 07-12-2023

Yalnızlıq streslə mübarizəyə kömək edir

16:53 / 07-12-2023

Putin: “ABŞ həm müttəfiqlərini, həm də digər ölkələri istismar edir”

16:45 / 07-12-2023

Mənasız ölümləri inkar edirəm - Etibar Cəbrayıloğlu yazır

16:37 / 07-12-2023

Əli Əsədov Böyük Britaniya Dövlət katibinin müavini ilə görüşüb

16:33 / 07-12-2023

"AzerTelecom" şirkətinin Direktorlar Şurasının sədri dəyişib

16:11 / 07-12-2023

Erməni diversanta hökm oxunub - Yenilənib

16:07 / 07-12-2023

Rusiya səfiri Britaniya XİN-ə çağırılıb

15:49 / 07-12-2023

Azərbaycan və Türkiyə generalları arasında görüş olub

15:08 / 07-12-2023

Şenol Günəş: "Azərbaycan millisində işləməkdən qürur duyaram"

14:49 / 07-12-2023

Füzuli şəhərinə növbəti köç karvanı gedib - (Yenilənib)

14:34 / 07-12-2023

Əhali təhlükə barədə növbəti dəfə xəbərdar edilib

14:00 / 07-12-2023

Şuşada mina partlayıb - (Yenilənib)

13:36 / 07-12-2023

Növbədənkənar prezident seçkiləri...

13:27 / 07-12-2023

Bəzi seçki dairəsinin sayı və adı dəyişdirilib - Siyahı

12:54 / 07-12-2023

Azərbaycan beynəlxalq axtarışda olan şəxsləri Rusiyaya təhvil verib

12:53 / 07-12-2023

İsrail qüvvələri daha 42 fələstinlini həbs edib - Yaralılar var

Xəbər lentinin davamı

Ən çox oxunanlar

19:15 / 04-12-2023

Cavid Qurbanovun adı növbəti qalmaqalda hallanır - Video

00:18 / 03-12-2023

"Kanal 13"ün aparıcısı həbs edilib

11:49 / 03-12-2023

Ermənilərin etnik nifrəti azalmır

18:10 / 03-12-2023

Araq da olacaq - Akif Abbasov yazır

12:02 / 05-12-2023

Azərbaycan və Rusiyanın xarici işlər nazirləri Moskvada görüşüb - (Yenilənib)

22:51 / 03-12-2023

12 yaşlı uşağı döyən polis sistemdən qovulub

23:50 / 05-12-2023

Prezidentin müraciəti BMT-nin rəsmi sənədi kimi yayılıb

11:26 / 03-12-2023

Azərbaycan GUAM-a sədrlik edəcək

11:35 / 03-12-2023

Boksçuların Azərbaycan çempionatı başlayır - Foto

21:35 / 04-12-2023

Leyla Əliyeva Dubayda iqlim dəyişiklikləri üzrə iclasa qatılıb - Fotolar

18:06 / 03-12-2023

Güclü vulkan külü 3000 metr hündürlüyə püskürüb

14:06 / 03-12-2023

İdmançılarımız Tokioda üç medal qazanıb

İlham Əliyev konfrans iştirakçılarına müraciət ünvanlayıb (Yenilənib)
Tarix: 20-11-2023 10:13 | Bölmə: Gündəm

Şirift ölçüsü:

Bakıda Qoşulmama Hərəkatının Qadın Hüquqlarının İnkişafı və Qadınların Səlahiyyətləndirilməsi üzrə konfransı keçirilir.

Reyting.az-ın xəbərinə görə, iki gün davam edəcək toplantıda qonaq ölkələrin iştirakı ilə interaktiv panel müzakirələri təşkil olunacaq.

Tədbirə Ombudsman Səbinə Əliyeva, Dövlət İmtahan Mərkəzinin Direktorlar Şurasının sədri Məleykə Abbaszadə, Azərbaycanın ilk İnsan Hüquqları üzrə müvəkkili Elmira Süleymanova, gənclər və idman nazirinin müavini Mariana Toteva Vasileva və deputatlar qatılıblar.

Tədbir iştirakçıları arasında həmçinin BMT, ICESCO, Beynəlxalq Türk Mədəniyyəti və İrsi Fondu kimi təşkilatların nümayəndələri, Türkiyə, Özbəkistan, Türkmənistan, Sudan, Rusiya, İndoneziya, Misir, Venesuela, Fələstin, Hindistan, Birləşmiş Ərəb Əmirlikləri, Keniya, İran, Belarus, Mərakeş, Küveyt, Uqanda, Nepal, Pakistan, Səudiyyə Ərəbistanı, İraq, Qətər, Kuba, Malayziya, İordaniya, Meksika kimi ölkələrin təmsilçiləri də var.

Eyni zamanda konfransa 9 beynəlxalq təşkilat qatılıb.

Azərbaycan Respublikasının Prezidenti, Qoşulmama Hərəkatının sədri İlham Əliyev konfrans iştirakçılarına müraciət ünvanlayıb.

İlham Əliyevin müraciətini Ailə, Qadın və Uşaq Problemləri üzrə Dövlət Komitəsinin sədri Bahar Muradova oxuyub.

***

Azərbaycan Respublikasının Prezidenti, Qoşulmama Hərəkatının sədri İlham Əliyev Qoşulmama Hərəkatının “Qadınların hüquqlarının inkişaf etdirilməsi və səlahiyyətlərinin artırılması” mövzusunda Konfransının iştirakçılarına müraciət ünvanlayıb.

Reyting.az-ın məlumatına görə, müraciətdə deyilir:

"Hörmətli konfrans iştirakçıları,

Qoşulmama Hərəkatının tarixində ilk dəfə olaraq “Qadınların hüquqlarının inkişaf etdirilməsi və səlahiyyətlərinin artırılması” mövzusunda keçirilən Konfransda sizi salamlayıram.

Üzv dövlətlərin yekdil qərarı ilə Azərbaycan 2019-cu ildə BMT-dən sonra ikinci ən böyük beynəlxalq təsisat olan Qoşulmama Hərəkatının sədri seçilmişdir. Sədrliyimizin müddətinin yekdilliklə 2023-cü ilə qədər bir il daha uzadılması Azərbaycanın Hərəkat çərçivəsində fəaliyyətinə verilən yüksək qiymətin göstəricisidir. Biz ölkəmizə olan bu etimadı yüksək qiymətləndiririk.

Azərbaycan sədrliyi dövründə Bandunq Prinsiplərinə sadiq qalaraq Qoşulmama Hərəkatının gündəliyinin irəlilədilməsi və beynəlxalq aləmdə nüfuzunun artırılması istiqamətində mühüm səylər göstərmişdir.

Qeyd etmək lazımdır ki, məhz Qoşulmama Hərəkatı COVID-19 pandemiyasına qarşı qlobal səylərin səfərbər olunmasında aparıcı rol oynamışdır. 2020-ci ilin dekabr ayında Azərbaycanın təşəbbüsü ilə BMT Baş Assambleyasının COVID-19 ilə mübarizəyə həsr edilmiş xüsusi sessiyası təşkil edilmişdir.

Biz bəzi ölkələrin yürütdüyü “vaksin milliyətçiliyi” siyasətinə səssiz qalmadıq və vaksinlərin ədalətli şəkildə bölüşdürülməsini təşviq etdik. Humanist dəyərləri əsas götürərək Azərbaycan əksəriyyəti Qoşulmama Hərəkatına üzv dövlətlər olmaqla 80-dən artıq ölkəyə maliyyə və humanitar yardım göstərdi. Bununla yanaşı, bu il Azərbaycan Afrika və inkişaf etməkdə olan kiçik ada dövlətlərində pandemiyanın fəsadlarının aradan qaldırılması məqsədilə maliyyə vəsaitinin ayrılması barədə qərar qəbul etdi.

Sədrliyimiz dövründə Qoşulmama Hərəkatının təsisatlanması istiqamətində də mühüm addımlar atılmışdı. Azərbaycanın təşəbbüsü ilə Qoşulmama Hərəkatının Parlament Şəbəkəsi və Qoşulmama Hərəkatının Gənclər Təşkilatı təsis edilmişdir. Bu ilin iyul ayında Hərəkatın Bakıda keçirilmiş konfransı zamanı Qoşulmama Hərəkatının Qadınlar Platformasının yaradılması təklifi tərəfimdən irəli sürülmüşdür.

Həmçinin Azərbaycan sədrliyi dövründə dekolonizasiya gündəliyinə xüsusi diqqət ayırmışdı. Biz bəzi ölkələr, xüsusilə də Fransanın yürütdüyü neokolonializm siyasətini qlobal səviyyədə ifşa etmiş, bu utancverici praktikaya son qoyulması tələbini səsləndirmişik.

Kolonializm qadınların hüquqlarına da mənfi təsir göstərmişdir. Bu xüsusda, konfransa paralel olaraq müvafiq mövzuda tədbirin keçirilməsini alqışlayıram.

Qadınların hüquqlarının müdafiəsi, cəmiyyətdə rolunun gücləndirilməsi Qoşulmama Hərəkatının gündəliyində önəmli yer tutur. Hərəkat tərəfindən ardıcıl olaraq qəbul edilmiş sənədlərdə, o cümlədən 2019-cu il Bakı Zirvə toplantısının yekun sənədində bu mövzuya xüsusi diqqət yetirilmiş və bu sahədə üzv dövlətlərin öhdəlikləri müəyyən edilmişdir.

Qadınların ictimai, siyasi, sosial və humanitar sahələrə, o cümlədən elm və maarifçiliyin inkişafına verdikləri böyük töhfələr danılmazdır. Əsrlər boyu Azərbaycan qadınları zəngin mədəniyyətimizin, ənənələrimizin və ailə dəyərlərimizin qorunmasında, milli köklərinə sadiq nəslin yetişdirilməsində vacib rol oynayıb. Hələ 1901-ci ildə müsəlman dünyasında qızlar üçün ilk dünyəvi məktəb məhz Bakıda açılmışdır. Azərbaycan əksər Avropa ölkələrini qabaqlayaraq 1919-cu ildə müsəlman dünyasında qadınlara səsvermə hüququ verən ilk respublika olmuşdur.

Azərbaycanda qadın hüquqlarının təmin olunması və onların cəmiyyətdə və dövlət idarəçiliyində rolunun artırılması daim diqqət mərkəzindədir. Bu gün də Azərbaycan qadınları elm, təhsil, səhiyyə, incəsənət və digər sahələrdəki əzmkar və çoxşaxəli fəaliyyətləri ilə ölkəmizin rifahına və tərəqqisinə dəyərli töhfələr verirlər. Ali təhsil müəssisələrinin professor-müəllim heyətinin 63 faizini qadınlar təşkil edir. Dövlət tibb müəssisələrinin tibbi kadrlarının 70 faizi qadındır. Yerli özünüidarəetmə orqanlarında qadınların təmsilçiliyi 40 faizdir. Dövlət tərəfindən özünüməşğulluq proqramlarına göstərilən dəstək tədbirləri nəticəsində fərdi sahibkar qadınların sayı artmaqdadır.

Torpaqlarımızın Ermənistanın 30 illik işğalından azad olunması, tarixi Zəfərin qazanılması Azərbaycan qadınlarının vətənpərvərlik ruhunda tərbiyə etdiyi oğulların sayəsində mümkün olmuşdur.

Hazırda, Azərbaycanın sosial-iqtisadi inkişafının əsas prioritetlərindən biri işğaldan azad edilmiş ərazilərə böyük qayıdışı təmin etməkdir. Bu xüsusda, dədə-baba yurdlarına qayıdan keçmiş məcburi köçkün qadınlara iş imkanlarının yaradılması istiqamətində tədbirlər həyata keçirilir.

Qoşulmama Hərəkatı qadınların hüquqlarının müdafiəsi sahəsində vacib rol oynamaq imkanına malikdir. Qoşulmama Hərəkatının Qadınlar Platformasının təsis edilməsi bu istiqamətdə fəaliyyətə müsbət təkan verəcəkdir.

Qoşulmama Hərəkatına sədrliyimizin sonu yaxınlaşmaqdadır. Böyük qürur hissi ilə qeyd edirəm ki, Azərbaycan Qoşulmama Hərəkatının ən gənc üzvlərindən biri olmasına baxmayaraq, sədrliyi təhvil alacaq növbəti ölkələrə uğurlu miras qoyacaqdır. Ölkəmiz bundan sonra da Qoşulmama Hərəkatının məqsədlərinin və məramının beynəlxalq səviyyədə təşviq edilməsi istiqamətində səylərini davam etdirəcəkdir.

Əminəm ki, bu əlamətdar konfrans qadınların hüquqlarının inkişaf etdirilməsi və səlahiyyətlərinin artırılması ilə bağlı səmərəli fikir mübadiləsinin aparılması üçün əhəmiyyətli platforma rolunu oynayacaq və bu sahədə birgə fəaliyyətin aparılması üçün Qoşulmama Hərəkatının tarixində yeni bir dövrün başlanğıcının əsasını qoyacaqdır.

Konfransın işinə uğurlar və qonaqpərvər Bakı şəhərində xoş vaxt keçirməyi arzu edirəm".

Ana səhifəyə dön