16:46 / 19-04-2024
İlham Əliyev Rusiyaya gedir
Bakıya qarşı məkrli plan...
Tarix: 29-02-2024 17:13 | Bölmə: Slayd
Bakıya qarşı məkrli plan...

Avropa Parlamentində Azərbaycana qarşı sanksiya çağırışları yüksəlir. Hətta artıq bununla bağlı qətnamə də qəbul edilib. Lakin nə bu günə qədər qəbul edilən qətnamələrin, nə də bundan sonrakıların Bakının nəzərində heç bir əhəmiyyəti yoxdur.

Avropa Parlamentində təmsil olunan deputatların əksəriyyəti tərəfli yanaşma sərgiləyir. Bir çoxu erməni lobbisi və diasporunun əlində marionetə çevrilib.

Avropa Parlamenti (AP) yeni seçkilərə hazırlaşdığı bir zamanda Azərbaycana qarşı çağırışların edilməsi təsadüfi deyil. Aydın məsələdir ki, erməni lobbisinin pulu ilə yenidən seçilmək istəyən deputatlar məhz buna görə aktivləşib, Azərbaycanı hədəf seçiblər.

Erməni lobbisi və diasporundan söz düşmüşkən, bir şəxs daha çox diqqət çəkir. Bu maliyyələşmənin arxasında Brüsseldə yaşayan erməni əsilli qanlı brilyant qaçaqmalçısı Kaspar Karapetyan dayanır.

Avropa İttifaqı-Ermənistan dostluq qrupu Ədalət və Demokratiya uğrunda Ümumavropa Erməni Federasiyası (EAFJD) təşkilatı ilə sıx bağlıdır. Kaspar Karapetyan isə bu təşkilatın prezidentidir.

K. Karapetyan AP-nin bir sıra deputatlarını sanki dirijor çubuğu ilə idarə edir. Misal üçün, K. Karapetyan AP və Aİ-dəki bəzi rəsmiləri maliyyələşdirərək onların əli ilə Aİ-nin Rusiyanın brilyant biznesinə sanksiya tətbiqinə mane olur.

Onu da qeyd edim ki, almazlar Rusiyadan Belçikaya gətirilir, orada cilalanır və satılır. Ermənistandan da almazlar eyni qaydada Belçika vasitəsilə cilalanıb satılır. Məhz Karapetyanın biznesi bunun üzərində qurulub və AP deputatlarına verilən rüşvətin mənbəyi budur.

Karapetyanın brilyant biznesindən qazandığı çirkli pullar bəzi deputatların gözlərini qamaşdırır. Bu mənada Ermənistanın və erməni lobbisinin “konyak diplomatiyası”ndan gen-bol faydalanan AP-nin deputatları Azərbaycanı hədəf alır.

Aydın məsələdir ki, Azərbaycanın AP qarşısında heç bir öhdəliyi yoxdur. Buna görə də həmin qətnamələr nəzərimizdə əhəmiyyət daşımır. Məsələyə sadəcə “it hürər, karvan keçər” misalı ilə yanaşmaq lazımdır.

Turan RZAYEV
Politoloq






Bölməyə aid digər xəbərlər
{sape_links}{sape_article}