ABŞ Gürcüstanın hökumət üzvlərinə və deputatlara sanksiyalar tətbiq edib
Tarix: 06-06-2024 23:41 | Bölmə: Slayd
ABŞ Gürcüstanın hökumət üzvlərinə və deputatlara sanksiyalar tətbiq edib

ABŞ “xarici təsir” qanununun qəbul edilməsi ilə əlaqədar Gürcüstanın hakim “Gürcü Arzusu” partiyasının üzvlərinə, Gürcüstan parlamentinin deputatlarına, həmçinin aksiyaların dağıdılmasında iştirak edən polis zabitlərinə sanksiya tətbiq edib.

Reyting.az
xəbər verir ki, bu barədə Dövlət Departamentinin mətbuat katibi Metyu Miller brifinqdə bildirib.

O, sanksiyaların Gürcüstanın təxminən 20-30 rəsmisinə və onların birinci dərəcəli ailə üzvlərinə şamil edildiyini vurğulayıb.

“ABŞ “Gürcü Arzusu” partiyasının anti-demokratik əməllərindən, həmçinin onun bu yaxınlardakı bəyanatlarından və ritorikasından dərin narahatlıq keçirir. Bu əməllər Gürcüstanı Avropa gələcəyindən çıxarmaq riski daşıyır və Gürcüstan konstitusiyasına və öz əhalisinin istəyinə ziddir”, - Miller deyib.

M. Miller əlavə edib ki, Dövlət Departamenti bu əməllərə görə məsuliyyət daşıyan rəsmilərə, Gürcüstan vətəndaşlarının sərbəst toplaşmaq azadlığının məhdudlaşdırılmasında rol oynayan, həmçinin aksiyalara zorakılıqla müdaxilədə iştirak edənlərə, vətəndaş cəmiyyəti üzvlərinin təhdid edilməsinə görə məsuliyyət daşıyanlara və dezinformasiyanın yayılmasında məsuliyyət daşıyanlara, onların ailə üzvlərinə viza məhdudiyyəri tətbiq edib.

“Viza məhdudiyyətlərinin ilk tranşı “Gürcü Arzusu” partiyasının üzvlərini, parlament üzvlərini, hüquq-mühafizə orqanı əməkdaşlarını və özəl şəxsləri əhatə edir. Biz hələ də ümid edirik ki, gürcüstanlı liderlər öz əməllərini bir daha gözdən keçirəcəklər. Gürcüstan hökumətinin öz trayektoriyasını dəyişmək üçün hələ də vaxtı var”, - Dövlət Departamentinin rəsmisi deyib.

Miller qeyd edib ki, Gürcüstan hökuməti öz mövqeyini bir daha nəzərdən keçirməyəcəyi və Avro-Atlantik inteqrasiya istiqamətində addımlar atmayacağı təqdirdə ABŞ əlavə tədbirlər görməyə hazırdır.(APA)




Bölməyə aid digər xəbərlər
{sape_links}{sape_article}