Transxəzər marşrutu işə düşür
Tarix: 10-07-2025 08:43 | Bölmə: Slayd
Transxəzər marşrutu işə düşür

İlk yük qatarı Çinin Şansi əyalətindən Azərbaycana yola salınıb.

Reyting.az
xəbər verir ki, bu barədə “Sputnik-Kazaxstan” Çinin “Sinxua” informasiya agentliyinə istinadla xəbər yayıb.

Yük qatarı Qazaxıstan ərazisindən keçərək Aktau limanına çatacaq və yük oradan bərə ilə Azərbaycana çatdırılacaq.

Agentlik qeyd edir ki, ümumi çəkisi 1159 ton olan fotovoltaik batareya dəstləri 50 standart konteynerlə yüklənmiş qatar Çinin şimalındakı Şansi əyalətinin Cinçjonq şəhərindən Azərbaycanın paytaxtı Bakıya yola düşüb. Bu, əyalət tərəfindən TITR boyunca Çin–Avropa dəmir yolu daşımalarının başlanmasına işarədir.

Yerli nəqliyyat şirkəti Huayuan Beynəlxalq Quru Limanının mətbuat xidməti qatarın Zhongding logistika mərkəzindən yola düşdüyünü bildirib.

“Ənənəvi üsulla müqayisədə Transxəzər daşımaları daşınma vaxtını əhəmiyyətli dərəcədə azaltmağa imkan verir”,- hesabatda qeyd olunur.

Şirkət onu da əlavə edib ki, gələcəkdə yerli istehsal olan fotovoltaik modullar Qafqaz, Türkiyə və Şərqi Avropa ölkələrinə daha rahat şəkildə çatdırılacaq.

V. QULİYEV




Bölməyə aid digər xəbərlər