16:01 / 20-08-2025
Ağdərədə yanğın olub
12:38 / 20-08-2025
Sabah isti hava olacaq
Putin-Zelenski görüşünə şübhələr artır
Tarix: 20-08-2025 17:36 | Bölmə: Slayd
Putin-Zelenski görüşünə şübhələr artır

ABŞ prezidenti Donald Tramp və onun administrasiyası Ukrayna prezidenti Vladimir Zelenski ilə Rusiya lideri Vladimir Putin arasında görüşün tezliklə baş tutmasında israrlıdır. Lakin Kreml rəhbəri 3,5 il davam edən genişmiqyaslı müharibə dövründə Ukrayna lideri ilə görüşə maraq göstərməyib, indi də belə bir marağı yoxdur.

Reyting.az
xəbər verir ki, “Axios” nəşri Trampın, xüsusən də yaxın bir neçə həftə ərzində Zelenski-Putin görüşünü təşkil edə bilməyəcəyinin səbəbini açıqlayıb.

Xatırlanır ki, avqustun 19-da Ağ evin mətbuat katibi Karolin Levitt Putinin Zelenski ilə ikitərəfli görüşə razılaşdığını deyib. Tramp isə bu sammitin avqustun sonuna qədər baş tutmasını istədiyini bildirib.

Bununla belə, Rusiyanın Xarici işlər naziri Sergey Lavrov Ukrayna və Rusiya liderlərinin görüşündən əvvəl aşağı səviyyədə sammitin keçirilməli olduğuna diqqət çəkib. Bu, Moskvanın əvvəlki mövqeyini vurğulayır, buna görə də liderlər yalnız saziş imzalamaq üçün görüşə bilərlər. Buna qədər isə nümayəndə heyətləri arasında sülh danışıqları aparılacaq.

Bundan əlavə, nəşr təhlükəsizlik təminatları və ərazi güzəştlərinin əsas məsələləri üzrə tərəflərin mövqelərinin bir-birindən uzaq olduğunu qeyd edib. Hətta Zelenski və Putin yaxın gələcəkdə görüşsələr belə, onların sülh sazişi bağlamaq ehtimalı azdır.

Nəşr onu da xatırladıb ki, Putinin Ukraynada əsas məqsədlərindən biri onun nəzarət edə biləcəyi rejimi dəyişməkdir. Ukrayna kəşfiyyatının məlumatına görə, hətta Rusiya tərəfinin nəzarəti ilə Zelenskiyə sui-qəsd cəhdləri də hazırlanırdı.

Jurnalistlər əlavə ediblər ki, bir çox Avropa və Ukrayna rəsmiləri də Putinin müharibəni həqiqətən bitirmək istədiyini iddia edərək vaxt udmağa çalışmasından şübhələnirlər. Əslində, Rusiya lideri yalnız Trampı buna inandırmağa çalışır.

Nəşr, Putinin açıq şəkildə Zelenski ilə görüşə razılaşa biləcəyini də istisna etmir. Bununla belə, bu sammitin vaxtı ilə bağlı əlavə şərtlər və gecikmə olacaq.

“Axios” Trampın əvvəlcə Zelenski və Putinlə görüşdə iştirak etmək istəməsinə də diqqət yönəldib. Daha sonra əmin edib ki, əvvəlcə Ukrayna və Rusiya liderləri təkbətək görüşməli, ondan sonra üçtərəfli sammitə keçməlidirlər.

Nəşrin yazdığına görə, Putin özü də Trampsız Zelenski ilə görüşə təkid edə bilər. Səbəb o ola bilər ki, Rusiya üçün ikitərəfli sammiti ləğv etmək daha asan olacaq.

E. KAMAL




Bölməyə aid digər xəbərlər