Silahlı şəxs ABŞ prezidenti Donald Trampın Floridadakı Mar-a-Lago iqamətgahına daxil olmağa çalışıb.

Reyting.az xəbər verir ki, bu barədə məlumatı ABŞ Məxfi Xidməti yayıb.

Hadisə 22 fevralda saat təxminən 01:30-da baş verib və silahlı şəxs güllələnərək öldürülüb.

Xarici KİV-lər yazır ki, Tramp həftəsonlarını tez-tez bu iqamətgahında keçirsə də, hadisə baş verən zaman o və birinci xanım Melaniya Tramp Ağ evdə olublar.

Məxfi Xidmət bildirir ki, hücum edən şəxs “Mar-a-Lago kompleksinin şimal qapısı yaxınlığında ov tüfəngi və yanacaq bidonuna bənzər əşya ilə” müşahidə olunub. Onun 20 yaşında olduğu deyilsə də, şəxsiyyəti açıqlanmayıb.

Hadisəyə cavab olaraq ABŞ Məxfi Xidmətinin agentləri və şerif müavini onunla əlaqə saxlayıb, lakin qarşıdurma yaranıb və hüquq-mühafizə əməkdaşları atəş açıblar. Xidmətin zabitləri arasında xəsarət alan olmayıb.