Rusiya Xarici Kəşfiyyat Xidməti (XKX), Böyük Britaniya və Fransanın Ukraynaya nüvə silahı köçürmə ehtimalını gizli şəkildə müzakirəyə çıxardıqlarını iddia edir.

Reyting.az “Russian Today”a istinadla xəbər verir ki, Rusiya Xarici Kəşfiyyat Xidmətinin iddiasına görə, Böyük Britaniya və Fransa Kiyev üçün radioaktiv “çirkli bomba” variantını nəzərdən keçirir.

Xatırladaq ki, Rusiyanın 24 fevral 2022-ci ildə bir neçə gün ərzində bitəcəyi və Ukraynanın təslim olacağı proqnozu ilə başlatdığı müharibə artıq dördüncü ilinə qədəm qoyub.

Digər tərəfdən, iki ölkənin müharibədəki əsl itkilərini açıqlamadığı güman edilir. Vaşinqtonda yerləşən Strateji və Beynəlxalq Araşdırmalar Mərkəzi (CSIS) müharibənin əvvəlindən ən azı 1,2 milyon rus əsgərinin və 600.000 Ukrayna əsgərinin öldüyünü, yaralandığını və ya itkin düşdüyünü təxmin edir. Beyin mərkəzinin məlumatına görə, müharibədə 325.000 Rusiya və 140.000 Ukrayna əsgəri həyatını itirib.

E. KAMAL