23:11 / 18-03-2024
Ukrayna ordusu geri çəkilir
20:16 / 18-03-2024
Borrell ikibaşlı danışır
Azərbaycan kommunistləri AKP-nin buraxılmasını tələb edir: “Didişmələr partiyanı iflasa uğradıb” - Fotolar
Tarix: 09-12-2019 11:46 | Bölmə: Slayd
Azərbaycan kommunistləri AKP-nin buraxılmasını tələb edir: “Didişmələr partiyanı iflasa uğradıb”

“Dövlət idarəetməsini əhatə edən islahatlar və müasir idarəetmə ilə bağlı qərarların yerinə yetirildiyi cəmiyyətin inkişafının yeni mərhələsində siyasi avanqard rolunu itirən Azərbaycan Kommunist Partiyasının ictimai fikirə söykənən təşəbbüsü yoxdur. Partiya qarşısındakı vəzifəyə marksizm-leninizm nəzəriyyəsinə uyğun elmi surətdə əsaslandırılmış, mütəşəkkil və planlı xarakter vermək iqtidarında deyildir”.

Bu sözləri Reyting.az-a açıqlamasında Azərbaycan Kommunistlər Birliyinin (AKB) sədri Ədalət Abdinov deyib.

Ə. Abdinov bildirib ki, Azərbaycan prezidentinin həyata keçirdiyi tarixi islahatlar öz mahiyyətinə görə postsovet və Şərqi Avropa ölkələrini qabaqladığı halda, dörd qrupa bölünmüş Kommunist Partiyası (AKP) hazırki şəraitdə cəmiyyətin ümumi inkişaf perspektivini, özünün düzgün siyasi xəttini müəyyən edə bilmir: “Partiyanın bölünmüş qruplarında kommunistlərin baxışları ilə hərəkətlərinin kəskin fərqləri var və partiya öz təşkilatlarına, bütün kommunistlərə yüksək tələblər vermək gücünə malik deyildir”.

Azərbaycan kommunistləri AKP-nin buraxılmasını tələb edir: “Didişmələr partiyanı iflasa uğradıb”
Ə. Abdinov

AKB rəhbəri əlavə edib ki, partiyanın müvəffəqiyyətlə işləməsini və ölkənin həyatında onun rolunun artmasını təmin edən çox mühüm şərtlərdən biri partiya həyatının Lenin tərəfindən işlənib hazırlanmış prinsip və normalara bütün partiya təşkilatların, hər bir kommunistin daim əməl etməsidir: “Azərbaycan Kommunist Partiyası bu qızıl qaydalardan tam uzaqdır, partiya Lenin normalarına riayət etmir, öz siyasi, təşkilati və ideya birliyini qoruya bilmir, müasir texnologiyalarla işləməyi bacarmır. Qruplararası didişmələr partiyanın rolunu kiçildib, partiya quruculuğu haqqında Lenin prinsiplərindən uzaqlaşmaq isə onu müvəffəqiyyətsizliyə və iflasa düçar edib”.

Ə. Abdinov iddia edir ki, Kommunist Partiyasının parçalanmış qrupları marksizm-leninizm təlimini və onun tərkib hissəsi olan partiya quruculuğunu dərindən bilmədikləri üçün partiya həyatının Lenin normalarının mahiyyət və əhəmiyyətini düzgün başa düşmürlər: “Qrup liderciyəzləri partiyanın inkişaf etməsi və onun rəhbər rolunun artması qanunauyğunluqlarından, partiyanın quruluş prinsiplərindən, təşkilat formaları və daxili həyat qaydalarından, onun zəhmətkeşlər arasında təşkilatçılıq, siyasi iş aparmaq üsul və metodlarından xəbərsizdirlər.

Parçalanmış halda Azərbaycan Kommunist Partiyasının parlamentdə təmsil olunma ehtimalı sıfırdır. Çünki, partiyada üzvləşmə pespublikanın regionlarını tam əhatə etmir, təşkilatın insan resurslarının çəkisi və coğrafiyası çox məhduddur. Partiyanın bölünmüş qruplarının rəhbər şəxslərinin iddiaları əksər hallarda yerlərdəki tərəfdarlarının rəyi ilə uzlaşmır”.

Birlik sədri əlavə edib ki, ən real variant iflasa uğrayan AKP-nin buraxılması və ya Nizamnaməsində nəzərdə tutulmuş qaydada ləğv edilməsidir: “Nəzərə alaq ki, partiyanın təşkilat forması və iş metodları bütünlüklə movcud konkret tarixi şəraitin xüsusiyyətlərilə və bu şəraitdən bilavasitə irəli gələn vəzifələrlə müəyyən edilir.

1920-ci ildə yaranmış Azərbaycan Kommunist Partiyasının varisi partiya quruculuğu əsaslarını dərindən bilən, partiya təşkilatlarının iş üslubunu və metodlarını təkmilləşdirməyə qadir olan yeni tərkibdə bərpa olunmalıdır. Əgər bu baş tutarsa, peşəkar kommunist kadr korpusu üzərində qurulacaq yeni partiya Lenin normalarına ciddi riayət etməklə, partiya sıralarını sıx birləşdirməklə, partiyanın xalq ilə əlaqələrini möhkəmləndirməklə Azərbaycanda marksizm-leninizm təliminin inkişafında yeni, böyük bir addım olacaqdır”.

Ə. Abdinov sonda qeyd edib ki, təklif elədiyi birlik reallaşarsa kommunist adı daşıyan digər təşkilatlar yeni partiyaya qoşulmalıdır. “O cümlədən mən və mənim tərəfdarlarım bu vacib prosesdə sıravi əsgər olmağa tam hazırıdır”, - deyə Birlik rəhbəri əlavə edib.

Azərbaycan kommunistləri AKP-nin buraxılmasını tələb edir: “Didişmələr partiyanı iflasa uğradıb”

Reyting.az




Bölməyə aid digər xəbərlər
{sape_links}{sape_article}