8 ölkədən BMT Baş katibinə fövqəladə müraciət edilib
Tarix: 26-03-2020 18:37 | Bölmə: Siyasət
8 ölkədən BMT Baş katibinə fövqəladə müraciət edilib

8 ölkə BMT-nin Baş katibinə koronavirusla təsirli mübarizə aparmaq üçün İrana qarşı sanksiyaların ləğvinə çağıran bir məktub göndərib.

Reyting.az
“TASS”-a istinadla xəbər verir ki, məktubu Rusiya, Çin, Suriya, Kuba, Nikaraqua, Şimali Koreya, Venesuela və İran imzalayıb.

BMT Baş katibi Antonio Quterreşə ünvanlanan məktubda ABŞ-ın İrana qarşı birtərəfli sanksiyalarının qaldırması istənilir: “Bu, beynəlxalq birliyin bütün üzvlərinin COVID-19-la daha təsirli, adekvat və tam mübarizə aparılması üçün vacibdir və bu pandemiyanın siyasiləşməsinin qarşısını alın. Siyasi hesablamaların insan ölümünə bais olmasına imkan verə bilmərik. Dəfələrlə dediyiniz kimi, bu, xaosun alovlanması deyil, qlobal həmrəylik, əməkdaşlıq və düşünmə dövrüdür. Əgər həqiqətən bu mürəkkəb humanitar böhranı aradan qaldırmaq istəyiriksə, indi heç bir ayrı-seçkilik etmədən milli, regional və beynəlxalq səviyyədə birgə hərəkət etmək vaxtı gəlib çatıb".

Qeyd edək ki, bundan əvvəl ABŞ-ın bir sıra siyasətçiləri, o cümlədən senatorlar Bernie Sanders və Elizabet Uorren ABŞ-ın Maliyyə Nazirliyinə epidemiya fonunda İrana qarşı sanksiyaların azaldılmasına çağıran məktub göndəriblər.

Reyting.az




Bölməyə aid digər xəbərlər
bütün xəbərlər
bütün xəbərlər
{sape_links}{sape_article}