Azərbaycandakı iranlı məhbusların məsələsi İlham Əliyevə məruzə olunacaq
Tarix: 21-05-2020 18:12 | Bölmə: Slayd
 Azərbaycandakı iranlı məhbusların məsələsi İlham Əliyevə məruzə olunacaq

İranın Birinci vitse-prezidenti İshaq Cahangiri Azərbaycan Respublikasının Baş naziri Əli Əsədova zəng edib.

Reyting.az
“IRIB”-ə istinadla xəbər verir ki, Cahangiri onu qarşıdan gələn Fitr bayramı münasibətilə təbrik edib və xoş diləklərini bildirib.

Vitse-prezident bütün ölkələrin koronavirusdan təsirləndiyini qeyd edərək beynəlxalq təşkilatların virusla mübarizə üçün birlikdə işləmələrinin zəruriliyini vurğulayıb: "Bütün ölkələr koronavirusun müalicəsi mövzusunda təcrübələrini bölüşməlidir".

İran İslam Respublikası ilə Azərbaycan Respublikası arasında ortaq saziş və layihələrin həyata keçirilməsinin vacibliyini vurğulayan Birinci vitse-prezident bildirib: "Şübhəsiz ki, Tehran və Bakı arasında tranzit, enerji və nəqliyyat kimi müxtəlif sahələrdə sıx əməkdaşlıq yalnız iki ölkə arasında münasibətləri inkişaf etdirməyəcək. Bu, bölgədə firavanlığa, sülhə və sabitliyə səbəb olacaq”.

Koronavirusla mübarizədə Azərbaycan Respublikası Hökumətinin İrana verdiyi yardımı yüksək qiymətləndirən İshaq Cahangiri İran İslam Respublikasının bu sahədəki təcrübəsini Azərbaycan Respublikası Hökumətinə ötürməyə hazır olduğunu da bildirib.

O, eyni zamanda, nəqliyyatın məhdudlaşmasına baxmayaraq, iranlı tələbələrin və vətəndaşların Azərbaycandan qayıtması və köçürülməsi üçün icazə verdiyinə görə Azərbaycan Respublikası Hökumətinə təşəkkür edib.

Cahangiri İran və Azərbaycan Respublikasının ortaq saziş və layihələrin, o cümlədən Rəşt-Astara dəmir yolu və Astaraçay keçid körpüsünün həyata keçiriləcəyinə ümid etdiyini bildirib.

Azərbaycan Respublikasının Baş naziri də Fitr bayramı münasibətilə İran hökuməti və xalqını təbrik edib. Cənab Əli Əsədov əlavə edib:

"Çox sevindirici haldır ki, sərhədlərin bağlanmasına baxmayaraq, iki ölkənin vətəndaşları ölkələrinə qayıtmağı bacardılar. Sabah 120 İran vətəndaşının Astara sərhədindən İrana girməsi planlaşdırılır".

O, həmçinin Azərbaycan Respublikasında həbsdə olan İran vətəndaşlarının İslam şəfqətinə məruz qalacaqlarına və cəzalarını davam etdirmək üçün İrana qayıdacaqlarını deyib. “Bu təklifi mütləq Prezidentlə söhbətdə irəli sürəcəyəm və ümid edirəm ki, bu məsələdə müsbət irəliləyişlər görəcəyik".
скачать dle 10.5фильмы бесплатно




Bölməyə aid digər xəbərlər
{sape_links}{sape_article}