Türkiyənin dəstəyi ilə qiyamçı generalın ordusu darmadağın edilir - Fotolar
Tarix: 26-05-2020 15:47 | Bölmə: Slayd
Türkiyənin dəstəyi ilə qiyamçı generalın ordusu darmadağın edilir

Türkiyə silahlarının Liviyaya göndərilməsinin qarşısını almaq tapşırığı verilən muzdlu döyüşçülər qiyamçı general Haftarla razılaşmayaraq Maltaya çəkilib. Məlumata görə, 4 ölkədən gələn muzdlu döyüşçülərə Birləşmiş Ərəb Əmirliyi (BƏƏ) tərəfindən 80 milyon dollar ödənildiyi də üzə çıxıb.

Reyting.az
xəbər verir ki, belə bir iddia ilə “Nyu York Times” qəzeti çıxış edib.

Qəzet yazır ki, Türkiyə mütəxəssisləri və silahları Liviyaya daxil olmazdan əvvəl paytaxt Tripoli ətrafında mövqe tutan Haftar və ona dəstək verən dövlətlərin arzusu artıq puç olmaq üzrədir. Çünki şərtlər bir anın içində dəyişib.

Əlavə edilir ki, Liviyada Türkiyədən dəstək alan Milli Birlik Hökumətinə (MBH) bağlı qüvvələrdən ard-arda zərbələr alan qiyamçı generalın başqa planı da ortaya çıxıb.

Türkiyənin dəstəyi ilə qiyamçı generalın ordusu darmadağın edilir

O da bəlli olub ki, fevral ayında BMT Təhlükəsizlik Şurasına Liviya ilə bağlı məxfi hesabat təqim edilib. Bu hesabatda bildirilir ki, Birləşmiş Ərəb Əmirliyi qiyamçı Haftarı muzdlu döyüşçülərlə təchiz edir. Eyni zamanda ABŞ prezidenti Trampa yaxınlığı ilə tanınan ölkənin ən populyar muzdlu döyüşçülər qurumu Erik Princedir. BMT Princenin muzdlu döyüşçülərinin Liviya hərbi əməliyyatında rol alıb-almadığını araşdırır. Prince isə bu iddiaları rədd edir.

Qəzet daha sonra xatırladır ki, Haftara çatdırılan rus hava müdafiə sistemləri ötən həftə türk dronları tərəfindən darmadağın edilib. Çərşənbə günü isə Tripolinin cənubundakı əhəmiyyətli bölgə Haftar ordusundan təmizlənib.

Bu qələbələr Türkiyə prezidenti Ərdoğanın yanvarda Liviyaya dronlar və Pilotsuz Uçuş Aparatları (PUA) göndərməsinə qədər zəif və Haftar tərəfindən mühasirəyə alınan Liviyanın rəsmi hökumətinin taleyində həlledici rol oynayıb.

“Bu Türkiyənin 100 il əvvəl - Osmanlı İmperiyasından sonra neftlə zəngin Şimali Afrika ölkəsinə etdiyi ən güclü müdaxilədir”, - qəzet yazır.

Haftarın bir il əvvəl Tripolini ələ keçirmək üçün hücumlara başladığı, Rusiyanın bu prosesə dəstək verdiyinə də diqqət çəkilir və bunun həmin dövrdə Liviyanın gələcəyində mühüm rol oynaya biləcəyi qeyd edilir. Əlavə olunur ki, Tripoli hökumətinə sadiq qüvvələr BƏƏ tərəfindən alınıb Haftara verilən rus hava sistemlərini nümayiş etdiriblər və bu, Haftarın iki güclü xarici dəstəyinin olduğunu göstərir. Ancaq türk silahları bu sistemləri məhv edib.

Haftarın gələcək planlarının nədən ibarət olacağını şərh edən “Nyu-York Times”ə görə, qiyamçı generalın bundan sonra atacağı addımı Moskva, Qahirə və Əbu Dabi müəyyən edəcək.

Xatırladılır ki, Türkiyənin dəstəyi sayəsində əldə edilən qələbə nəticəsində Haftarın əlində yalnız Tarhun məntəqəsi qalır.

Türkiyənin dəstəyi ilə qiyamçı generalın ordusu darmadağın edilir

Alman beynəlxalq əlaqələr və təhlükəsizlik mütəxəssisi Volfran Lacer qeyd edib ki, hərbi sahədə böyük dəyişikliklər baş verib: “Bu, Haftar qüvvələrinin əhvalına və ittifaqına ciddi təsir göstərə bilər”.

Xüsusilə qeyd edilir ki, Türkiyənin Liviyadakı uğurları Sisi başda olmaqla Misir dövlətində müəyyən narahatlıq yaradıb. Ankaranın bunun ardınca Liviyada hərbi baza yaratması və burada qalıcı olması Qahirədə xüsusi həyacanla izlənilir.

Beləcə, ABŞ-ın beyin mərkəzləri də o qənaətə gəlirlər ki, Türkiyə tərəfindən dəstəklənən Liviyanın legitim hökuməti Rusiya, Fransa, Birləşmiş Ərəb Əmirliyi, Misir və Səudiyyə Ərəbistanı tərəfindən dəstəklənən general Haftar ordusunu silib və şərtləri dəyişdirib.

Nə edəcəyini bilməyən Haftar isə dərhal Rusiyadan dəstək istəyib, bundan sonra Suriyadakı rus bazasından “MİQ-29” helikopteri və “SU-24” qırıcısı alıb. Bu texnika Cufra hava bazazına enən zaman ABŞ tərəfindən görüntülənib.

Reyting.azскачать dle 10.5фильмы бесплатно




Bölməyə aid digər xəbərlər
{sape_links}{sape_article}