Postsovet ölkələrində böyük siyasi dəyişikliklər baş verə bilər
Tarix: 09-07-2020 13:03 | Bölmə: Slayd
Postsovet ölkələrində böyük siyasi dəyişikliklər baş verə bilər

“Kremlə yaxın jurnalistlər və ekspertlər artıq Rusiyada hakimiyyətin, daha doğrusu, onun fasadının dəyişəcəyi anonsunu verirlər. Bütün mülahizələr ona yönəlib ki, prezident kürsüsündə Vladimir Putini Sergey Narışkin əvəz edəcək. “Piter klanı”nın üzvü olan, Rusiya hakimiyyət ierarxiyasında Dövlət Dumasının sədri, Prezident Administrasiyasının rəhbəri vəzifələrini tutmuş 65 yaşlı Sergey Narışkin hal-hazırda Rusiya Xarici Kəşfiyyat Xidmətinin direktorudur”.

Reyting.az
xəbər verir ki, bu fikirləri ABŞ-da yaşayan “Şərq-Qərb” Araşdırmalar Mərkəzinin rəhbəri, politoloq Ərəstun Oruclu deyib.

Onun sözlərinə görə, Narışkin prezident postuna gətiriləcəyi halda bu, Rusiyanın xarici siyasət vektorunun gücləndirilməsi demək olacaq. Bir sıra rus ekspertlər də iddia edirlər ki, Rusiya daxili sabitliyə repressiyalarla və həm də öz xarici təsirini gücləndirməklə nail olmağa çalışacaq.

Postsovet ölkələrində böyük siyasi dəyişikliklər baş verə bilər
Putin və Narışkin

Ə. Oruclu qeyd edib ki, xarici düşmən xofu üzərində qurulmuş taktika dünyanın özü qədər köhnədir: “Bəli, taktikadır, starategiya isə hələ də görünmür. Kremlin siyasətini tənqid edən rusiyalı ekspertlər də məhz bu səbəbdən seçilmiş siyasi doktrinanın uğursuzluqla nəticələnəciyini proqnozlaşdırırlar. Bunlar Rusiyanın daxili işləridir, amma hamısının bizə də birbaşa təsiri olacaq. Rusiyanın xarici siyasətdə uğur qazanacağı da belə asan görünmür. Ukraynaya müdaxilə səbəbindən sanksiyalar altında olan Moskvanın Qərb cinahında yaxın zamanda ciddi uğur qazana biləcəyi inandırıcı deyil”.

Ə. Oruclu diqqətə çatdırıb ki, Suriya və Liviya cəbhələrində də hələlik ciddi irəliləyişə nail ola bilməyən Moskva yəqin ki, əsas gücünü ilk növbədə postsovet məkana yönəldəcək. Bunun isə Azərbaycan da daxil bütün postsovet ölkələr üçün nə demək olduğunun xüsusi izaha ehtiyacı yoxdur.

Politoloqun fikrincə, yalnız postsovet məkanında möhkəmləndikdən sonra Rusiya xarici siyasətinin prioritet hədəflərindən olan Yaxın Şərqdə geniş miqyasda təmsil oluna bilər: “Amma bunun üçün təkcə postsovet ölkələrini ram etmək yetərli olmayacaq. Bu yolda ən çətin məsələ Rusiyanın ənənəvi “əziz düşməni” İranla dil tapmaq olacaq.

İran isə bütün sosial-iqtisadi problemlərinə, beynəlxalq sanksiya və təzyiqlərə rəğmən yetərincə çevik xarici siyasət yürüdə bilir. Deməli, Rusiya İrana elə təklif verməlidir ki, ondan imtina etmək mümkün olmasın. Bu, təklif nə ola bilər? Bu, suala ən sadə cavab nüvə silahı yaratmağa dəstək olardı”.

Postsovet ölkələrində böyük siyasi dəyişikliklər baş verə bilər
Ə. Oruclu

Ə. Oruclu əlavə edib ki, amma bu məsələdə də bir neçə incə məqam var:

“Əvvəla, nüvə silahına malik olan İranın Yaxın Şərq bölgəsinə iddiaları və təsiri artacaq. Bu isə məntiqlə Rusiyanın planlarına daxil olmamalıdır. Eyni zamanda, İranla nüvə silahı sahəsində əməkdaşlıq Rusiyaya qarşı tətbiq olunmuş sanksiyaları və təzyiqləri bir qədər də sətrləşdirə bilər.

Digər tərəfdən, İranı özündən uzaqlaşdırmaqla Rusiya ilk baxışdan az qala qeyri-mümkün görünən Ankara-Tehran əməkdaşlığına impuls vermiş olar. Bu halda isə Yaxın Şərqin qapıları uzun müddətə Rusiyanın üzünə bağlanar.

Odur ki, Yaxın Şərq siyasətini yürütmək də Rusiya üçün bir o qədər asan olmayacaq. Amma bunu da unutmayaq ki, Rusiyanın bölgənin Səudiyyə Ərəbistanı və İsrail kimi dövlətləri ilə müəyyən ortaq maraqları var ki, bu da ona əlavə manevr imkanları yarada bilər.

Bütün bunların nəticəsində Yaxın Şərq bölgəsində indiyədək görünməmiş hərbi-siyasi əməkdaşlıq formatları üzə çıxa bilər ki, bu halda da daha çevik hərəkət edən çox uğur qazanacaq.
Təbii ki, bu, həm də Yaxın Şərq "qazanının" hələ uzun müddət qaynayacağını deməyə əsas verir”.

Reyting.azскачать dle 10.5фильмы бесплатно




Bölməyə aid digər xəbərlər
bütün xəbərlər
{sape_links}{sape_article}