ABŞ və İran arasında gizli danışıqlar başlayıb - Küveyt nəşrinin iddiası
Tarix: 26-09-2020 17:22 | Bölmə: Slayd
ABŞ və İran arasında gizli danışıqlar başlayıb - Küveyt nəşrinin iddiası

Tramp administrasiyası ilə İranın "şahinləri" arasında Umanda gizli birbaşa danışıqlar gedir.

Reyting.az
“əl-Cəridə” qəzetinə (Küveyt) istinadla xəbər verir ki, Amerika tərəfi Tehranla bütün fikir ayrılıqlarına son qoyan razılaşmaya yolunu açan bir əməkdaşlıq formulu təklif edib:

ABŞ prezidenti şəxsən Ali Liderlə müqaviləni imzalayır və sanksiyaların qaldırılmasını təmin etmək üçün “yol xəritəsi” hazırlanır;

ikincisi, saziş Ruhani ilə yox, onun xələfi olacaq fundamentalist hökumət başçısı ilə imzalanır.

“ABŞ prezidenti Donald Trampın BƏƏ, Bəhreyn və İsrail arasında tarixi sülh sazişinin imzalanmasına sponsorluq etməsi mərasimində "Noyabr seçkilərindən sonra İranla çox şey olacağı"na eyhamı İslam Respublikasındakı güclü bir qrupla birbaşa təmasdan qaynaqlanır. Bu qrup parlamentdə, hərbi rəhbərlikdə və dövlət strukturlarında üstünlük təşkil edən fundamentalist cərəyanı təmsil edir”, - deyə “əl-Cəridə” yazır.

İranlı bir “şahin” “əl-Cəridə”yə verdiyi açıqlamada Tramp administrasiyasının nümayəndələri ilə Tehrandakı yüksək səviyyəli bir fundamentalist şəxs arasında təmasların olduğunu və keçən həftə Omanda iki tərəf arasında gizli görüşün təşkil edildiyini bildirib. Həm də fundamentalist hərəkatın yüksək vəzifəli rəsmisi olan mənbə, görüş zamanı Trampın nümayəndə heyətinin hazırkı prezident Həsən Ruhani ilə deyil, İranın növbəti prezidenti ilə növbəti ABŞ hökuməti arasında ortaq razılığa gəlmək üçün əməkdaşlıq formulu təklif etdiklərini deyib.

“Trampın nümayəndələri 3 noyabrda keçirilməsi planlaşdırılan prezident seçkilərini udacağını təsdiqləyiblər və Ruhani hökuməti ilə danışıqlar masasına oturmaq istəmirlər. Çünki vədlərini həyata keçirmək üçün onun hər hansı bir qabiliyyəti yoxdur və İnqilab keşikçilərinin nəzarətindən kənarda ola bilmir”.

Mənbənin sözlərinə görə, ABŞ prezidenti İranın bütün nüvə proqramlarının dayandırılmasında da israr etmir və Tehranın narahatlıqlarını başa düşür, lakin iranlıların Vaşinqtonun bölgədəki maraqları ilə bağlı narahatlıqlarını və İsrailin təhlükəsizliyi məsələsini də anlamalarını istəyir və bu sahədə razılaşmalar üçün bir formul əldə edildiyi təqdirdə, yalnız onları imzalamaq qalır. Əgər fundamentalistlər Ali Lider Əli Xamnəini bu razılığa inandıra bilsələr, Tramp sanksiyaların qaldırılmasını təmin edərkən İrana getməyə məcbur olsa da, şəxsən onunla müqavilə imzalamağa hazırdır və İranın vədləri yerinə yetirəcəyi müddətdə, Konqres sanksiyalarının tətbiqi dayandırılacaq.

“Əl-Cəridə”nin mənbəyi bildirib ki, ABŞ tərəfi İranla mümkün razılaşma çərçivəsində razılaşdırılmış bütün maddələrin ictimaiyyətə açıqlanmasına israr etmir; bunlardan biri ictimai, digəri gizli qala bilər.

Reyting.az




Bölməyə aid digər xəbərlər
bütün xəbərlər
bütün xəbərlər
{sape_links}{sape_article}