Politoloq: “Laçın şəhəri ilə bağlı müəyyən problemlər yarana bilər”
Tarix: 27-11-2020 14:14 | Bölmə: Slayd
Politoloq: “Laçın şəhəri ilə bağlı müəyyən problemlər yarana bilər”

“Ermənistan Baş naziri Nikol Paşinyanın bir gündə iki dəfə Rusiya prezidenti Vladimir Putinə zəng edərək müzakirələr aparması maraqlı məsələdir. Ola bilsin ki, Paşinyan bu zəng zamanı Laçınla yanaşı, Kəlbəcərin məsələsini də qaldırıb. Çünki Kəlbəcərin qızıl mədəni ətrafında da mübahisə yaranıb. Onlar sərhədi 2 kilometrə qədər irəli çəkiblər. Ümumiyyətlə, Azərbaycan-Ermənistan sərhədinin Kəlbəcər hissəsinin demorkrasiyası və delimitasiyası məsələsində problemlər həll edilməyib. Burada ermənilər sərhədi 2 kilometrə qədər irəli çəkə biliblər. Bu da ciddi problem kimi ortaya çıxır”.

Bunu Reyting.az-a N. Paşinyanın bir gündə iki dəfə V. Putinə zəng etməsi və bu iki şəxs arasında hansı müzakirələrin gedə biləcəyi ilə bağlı suala cavabında politoloq Qabil Hüseynli deyib.

Q. Hüseynli əlavə edib ki, Laçınla bağlı problemlər var: “Əgər 10 noyabr bəyannaməsində Laçın dəhlizinin 5 kilometr enində olması nəzərdə tutulubsa, onda Laçın şəhəri az qala bu 5 kilometrin içərisinə düşə bilər. Mümkündür ki, bu məsələ də müzakirə edilib”.

Politoloqun fikrincə, bu saat ermənilərin əsas məqsədi vəziyyəti daha da mürəkkəbləşdirmək, məsələnin içindən başqa məsələ çıxarmaq və bəyannamənin ruhunu sarsıtmaqdır.

Q. Hüseynli bildirib ki, ermənilərin Laçın rayonundan çıxacağı şübhə doğurmur: “Artıq köçməyə başlayıblar. Amma Laçın şəhəri ilə bağlı müəyyən “başağrısı”nın olması mümkündür. Çünki dəhlizin eninin 5 kilometr olması Laçın şəhəri ilə bağlı müəyyən problemlər yarada bilər”.

Reyting.az




Bölməyə aid digər xəbərlər
bütün xəbərlər
bütün xəbərlər
{sape_links}{sape_article}