Qarabağdakı sülhməramlılara status verilməməlidir - Foto
Tarix: 18-01-2021 15:31 | Bölmə: Slayd
Qarabağdakı sülhməramlılara status verilməməlidir

“Azərbaycanın Dağlıq Qarabağ probleminin həlli məsələsində rus sülhməramlı qüvvələrinin heç bir əhəmiyyəti yoxdur. Burada Azərbaycan və Ermənistan tərəfi üzərinə öhdəlik götürməli, mümkün qədər bu məsələləri qanun və beynəlxalq hüquq çərçivəsində həll etməlidirlər. Rusiyanın burada oyunlar oynaması bu problemin həllinin uzanmasına və ağırlaşmasına gətirib çıxara bilər”.

Bu fikirləri Reyting.az-a Azərbaycan Demokrat Partiyasının sədri Sərdar Cəlaloğlu Rusiya Xarici işlər naziri Sergey Lavrovun son fikirlərini şərh edərkən deyib.


S. Cəlaloğlu

Xatırladaq ki, bu gün Sergey Lavrov Dağlıq Qarabağda olan rus sülhməramlılarının statusunun müəyyənləşdirilməsi üçün danışıqların getdiyini bildirib.

ADP sədri Sərdar Cəlaloğlu isə hesab edir ki, rus sülhməramlılara heç bir status verilə bilməz: “Onların mümkün qədər ölkəmizi tez tərk etməsi istiqamətində işlər görmək lazımdır. Azərbaycanın ordusu, polisi, dövləti var. Üstəlik, Azərbaycan ərazilərində dövlətin süverenliyi mövcuddur. Ona görə də, bizim başqa bir status və ya mandata malik olacaq qoşuna ehtiyacımız yoxdur”.

S. Cəlaloğlu “Sergey Lavrovun Dağlıq Qarabağın Rusiyanın tərkibinə daxil olması haqda hər hansı fikir olmayıb”, - ifadəsini də şərh edib: “Onlar belə deyirlər. Onların dedikləri ilə etdikləri arasında böyük fərq var. Onlar sülhməramlı qüvvə adı ilə bölgəyə girib tamam başqa işlərlə məşğul olmağa başladılar. Mandatdan kənara çıxdılar. Əsas onların nə deməsi yox, hansı işləri görməsidir”.

Reyting.az




Bölməyə aid digər xəbərlər
bütün xəbərlər
{sape_links}{sape_article}