Ruslar dəyişiklik istəyir, Putin xəbərdar edir
Tarix: 18-02-2021 18:44 | Bölmə: Slayd
Ruslar dəyişiklik istəyir, Putin xəbərdar edir

“Rusiyada baş verən son hadisələr kontekstində Kreml ritorikasını kənara qoysa görər ki, cəmiyyətdən ciddi siqnal gəlir. Əslində prezident Putin də parlamentdə təmsil olunan partiyalarla görüş zamanı bunu qeyd etdi. Açıq dedi ki, cəmiyyət israrla dəyişikliklər istəyir. Putin cəmiyyətin bu mesajının eşidilməsinə toxundu. Bu onu göstərir ki, Kremlin rəsmi ritorikası öz yerində, amma onlar anlayırlar ki, proseslər daha dərin qatlara işləyib. Bunu görməzdən gəlmək istəmirlər”.

Reyting.az
xəbər verir ki, bunu REAL Partiyasının sədr müavini, iqtisadçı Natiq Cəfərli Rusiya prezidenti Putinin Dövlət Dumasında təmsil olunan partiyaların nümayəndələri ilə görüşünü şərh edərkən deyib.

Onun sözlərinə görə, nəzərə almaq lazımdır ki, artıq yeni nəsl, yeni gənclik formalaşıb. Hansı ki Putin hakimiyyətə gələndə doğulan şəxslərin indi 21 yaşı var. Yəni bu insanlar artıq seçicidir.

Xatırladaq ki, həmin görüşdə Putin bütün siyasi partiyaların seçkilərə müdaxilənin qarşısını almağa razı olduğunu bildirib və əlavə edib ki, qarşıdakı seçkiləri xarici müdaxilələrdən qorumalıyıq. Putin deyir ki, Rusiyanın suverenliyinə qarşı hər hansı çevrilişə yol verməyəcəyik.


Natiq Cəfərli

Natiq Cəfərli isə hesab edir ki, Putinin hakimiyyəti zamanı Rusiyada yaranan yeni nəsil hakimiyyət və dəyişikliklər istəyir: “Bu dəyişikliyin siqnallarını Putin yaxın ətrafı və sistem müxalifəti tərəfindən eşidilməsini istəyir. Məncə, Putin narazı elektoratın Navalnı kimi sistemdənkənar siyasi qüvvələrin deyil, elə sistemin daxilində olan partiyaların yanında olmasını istəyir. Qısası, Putin mesaj verir ki, narazılar var və onları sistem müxalifəti öz arxasına almalıdır”.

Partiya funksioneri əlavə edib ki, Rusiyada seçkilərə müdaxilə əsasən hakimiyyət tərəfindən edilir: “Ehtimal olunur ki, hakimiyyət daxilində də vəziyyət rəvan deyil. Putinin bu çağırışı sanki sistem daxilində bəzi oyunçuların sistemi oynada biləcəyinə işarədir. Putin siyasi partiyaların bu məsələdə də aktiv olmasını istəyir. Dolayısı yolla nəzarətin tam olaraq bir şəxsin əlində olmasını demək mümkün deyil. Müxtəlif qruplar, güclər var ki, Rusiyada vəziyyətin dəyişməsində maraqlıdırlar. Çünki sanksiya rejimi getdikcə artır. Bu günə qədər iri məbləğdə pullar qazanaraq Putinin hakimiyyətindən istefa verən insanların vəsaitinə təhlükə yaranır. Onların vəsaitinin əsas hissəsinin də qərbdə olduğu heç kimə sirr deyil. Yəni onlar itirə bilərlər. Odur ki, bu qəbildən olan şəxslər də seçkilərdə fəallaşmağa çalışacaqlar. Məncə, Putinin seçkilərə müdaxilə haqda fikirləri həm də buna işarədir”.

Reyting.az




Bölməyə aid digər xəbərlər
{sape_links}{sape_article}