Beynəlxalq təşkilatlar vaksinin ədalətsiz bölüşdürülməsinə susur
Tarix: 24-02-2021 16:50 | Bölmə: Slayd
Beynəlxalq təşkilatlar vaksinin ədalətsiz bölüşdürülməsinə susur

“Dünya pandemiyanı o zaman geridə qoya bilər ki, vaksinlər ədalətli şəkildə bölüşdürülsün. Hələlik müşahidələr deməyə əsas verir ki, bir neçə zəngin ölkə öz əhalisini koronavirusa qarşı vaksinlə təmin etsə də, kasıb ölkələrdə vaksinləşməyə başlamayıblar. Bu da koronavirus dalğasının təkrarlana biləcəyini göstərir”.

Bu fikirləri Reyting.az-a açıqlamasında Milli Məclisin deputatı Asim Mollazadə deyib.


A. Mollazadə

İxtisasca həkim olan A. Mollazadə hesab edir ki, beynəlxalq təşkilatlar da bu istiqamətdə zəruri addımlar atmırlar: “Azərbaycan BMT assambleyasında Qoşulmama Hərəkatının lideri kimi bu məsələni qaldırıb və bəyan edib ki, bütün ölkələrin və xalqların vaksinə əli çatmalıdır. Bütün ölkələr zəngin və kasıb olmasından asılı olmayaraq vaksin əldə etməlidir ki, dünya bu bəladan xilas ola bilsin. Əgər bu problem həllini tapmasa, virusun yayılmasının qarşısını almaq mümkün olmayacaq”.

A. Mollazadə əlavə edib ki, vaksinləşmə olmadan və ümmunitet yaradılmadan COVID-19-un qarşısını almaq mümkünsüzdür: “Adətən belə pandemiyalar olanda zəngin və inkişaf etmiş dərman sənayesi şirkətləri bundan böyük qazanc əldə edirlər. Qazanc əldə etmək üçün araşdırmalara da vəsait ayrılır. İşin ən pis tərəfi ondadır ki, bütün ölkələrin öz vətəndaşlarını yetərincə vaksinasiya etmək imkanı yoxdur. Deməli, dünya ölkələri kasıb ölkələrə də dəstək verməlidir ki, pandemiyaya son qoyulsun. Əks halda pandemiyadan xilas ola bilməyəcəyik”.

Reyting.az




Bölməyə aid digər xəbərlər
bütün xəbərlər
{sape_links}{sape_article}