17:38 / 28-03-2024
Əməkdar artist vəfat edib
Cəsur general... Helikopter qəzasında həlak olan Erbaşın həyat yolu - Dosye
Tarix: 05-03-2021 10:55 | Bölmə: Slayd
Cəsur general... Helikopter qəzasında həlak olan Erbaşın həyat yolu

Dünən axşam saatlarında helikopter qəzasında 11 hərbçinin həlak olması qardaş Türkiyəni yasa boğub. Qəza nəticəsində vəfat edənlərdən biri də 8-ci Ordu Birləşməsinin Komandanı, general-leytenant Osman Erbaşdır. Osman Erbaş Türk hərbisi üçün vacib şəxslərdən idi.

Reyting.az
1962-ci ildə Yozqatın Yerköy qəsəbəsində doğulan və 1983-cü ildə Quru Qoşunları Liseyinin məzunu olan general O. Erbaşın keçdiyi həyat yolunu təqdim edir:

Erbaş 1997-ci ildə Quru Qoşunları Hərbi Akademiyasının məzunu olub. 2000-ci ildə isə Silahlı Qüvvələr Akademiyasını bitirib.

2008-ci ildə general-mayor rütbəsi alan O. Erbaş 2008-2010-cu illərdə Milli Müdafiə Nazirliyinin Nəzarət-Təftiş İdarəsinə rəhbərlik edib.

2010-2012-ci illərdə I Mexanikləşdirilmiş Piyada Birqadanın komandiri vəzifəsini icra edib.

FETÖ terror təşkilatının 15 iyun 2016-cı ilə dövlət çevrilişi cəhdi sırasında VI Mexanikləşdirilmiş Piyada Dviziyasının komandiri olan Erbaş bölük komandirlərinə verdiyi təlimatlarla FETÖ-ya qarşı müqavimətdə mühüm simalardan birinə çevrilib.



Çevriliş cəhdi gecəsində şəhid edilən polis Aytəkin Kuru və Sevda Gungör ilə çavuş Xalid Yaşar Minə üçün keçirilən mərasimdəki çıxışından sonra Erbaş Türkiyənin sevimli şəxslərindən biri olub.

General şəhid ailələrinin yanında üzünü jurnalistlərə tutaraq “Qatilin əsgər olmadığını yazın. Qatil əsgər deyil, bunu belə bilin”,- ifadəsini işlətmişdi. Şəhid ailələrini qucaqlayıb təsəlli verdikdən sonra general Osman Erbaş protokolla ona ayrılan yerə keçərək fikirini “Əsgər heç bir zaman vətəndaşı öldürə bilməz. Bu qatillər əsgər deyil. Türk millətinin əsgəri qatil ola bilməz”,- formasında ifadə etmişdi.

Digər tərəfdən, O. Erbaş həm də dövlət çevrilişi cəhdi zamanı FETÖ-çu briqada generalı Murad Soysalın gülllənməsini əmr etmişdi. Çevrilişdən sonra Kəşfiyyat dairə rəhbərliyinə gətirilən Erbaş burada da tarix yazmışdı.

Şəhid general eyni zamanda yerli və milli dronların hazırlanması prosesinə də böyük dəstək verib. O, 2010-cu ildə I Mexanikiləşdirilmiş Piyada Briqadasının komandanı olduğu zamanı terror əməliyyatlarında dronlardan istifadə edəcək personala əhatəli təlimlər verilməsini təmin edib.

Erbaş 2012-ci ildə general-leytenant rütbəsini alıb, 2012-2015-ci illərdə Quru Qoşunları kəşfiyyatının rəisi, 2015-2016-cı illərdə VI Mexanikləşdirilmiş Piyada Dviziyasının komandiri olub.



Komandir olduğu zaman Qaziantəpdə 2017-ci idə 35 hərbçi haqqında açılan dövlət çevrilişinə cəhdlə bağlı məhkəmə prosesində şahid kimi danışan O. Erbaş 16 iyun gecəsi baş verənlərdən bəhs etmişdi.

Ailəsini təhlükəsiz bir məntəqədə yerləşdirdikdən sonra Hataydan qərargaha çatmaq üçün cəhdlər etdiyini bildirən Erbaş canının heçə saydığı o anlarda sürətli şəkildə telefonla ona bağlı hərbi birliklərə xəbərdarlıq etdiyini, hətta əsgərlərə təzyiq etmək üçün yüksək səslə danışdığı üçün səsinin batdığını qeyd etmişdi.

“Biz canımızın təhlükəsizliyini düşünmədik, sadəcə, bir tapança ilə yola düşdük. Bu millət var olduqca silahlı qüvvələr var olacaq”,- O. Erbaş məhkəmə ifadəsində qeyd edib.



2017-ci ildə general O. Erbaş 8-ci Ordu Korpusunun komandanlığına gətirilib. Türkiyənin ən perspektivli hərbçilərindən hesab olunurdu.

Ötən gün Bingöldən Bitlisin Tatvan qəsəbəsinə getmək məqsədilə havaya qalxan hərbi helikopterdə qəza nəticəsində şəhid olan general-leytenant Osman Erbaş iki uşaq atası idi.

Ötən gün Türkiyə prezidenti Rəcəb Teyyub Ərdoğan Osman Erbaşın ailəsinə zəng edərək onlara başsağlığı verib, generalın itkisinin Türkiyə üçün ağır olduğunu bildirib.





Bölməyə aid digər xəbərlər
{sape_links}{sape_article}