Xankəndi şəhərində üsyan başlayır: Ermənistanın siyasəti erməniləri çətin vəziyyətlə üzləşdirib
Tarix: 05-03-2021 14:06 | Bölmə: Slayd
Xankəndi şəhərində üsyan başlayır: Ermənistanın siyasəti erməniləri çətin vəziyyətlə üzləşdirib

Dağlıq Qarabağda yaşayan ermənilər martın 4-də Xankəndi şəhərindəki İntibah meydanında etiraz aksiyası keçiriblər.

Reyting.az
erməni mediasına istinadla xəbər verir ki, aksiya iştirakçılarının əksəriyyəti Hadrut sakinləri olub.

Ermənistanın 30 il davam etmiş işğalçılıq siyasəti və Dağlıq Qarabağdakı cinayətkar rejimin “fəaliyyəti” nəticəsində ciddi problemlə üzləşən aksiya iştirakçıları yaşamaq üçün sosial şərait yaradılmasını və işğaldan azad edilmiş Hadrutda yaşamaq istədiklərini bildiriblər.

Aksiya zamanı bəlli olub ki, özünü Dağlıq Qarabağda xüsusi struktur hesab edən, əslində isə yerli sakinləri girova çevirmiş cinayətkar və separatçı rejim burada yaşayan insanların problemini həll etmək gücündə deyil.

Özünü Dağlıq Qarabağın “deputatı” sayan separatçı Metakse Hokabyan bildirib ki, təxminən bir ay əvvəl rus sülhməramlılarının generalı Rüstəm Muradova göndərdikləri eyni tələblə imza toplayırlar.

Qeyd edək ki, onların tələbi Hadrutda yaşamaqdır. Əslində isə Azərbaycan da buna etiraz etmir. Azərbaycan ərazisində yaşamaq üçün bu ölkənin qanunlarını qəbul etmək lazımdır!

Hokopyan bildirib ki, Dağlıq Qarabağda sosial vəziyyət kritikdir və bundan necə çıxacaqlarını təsəvvür belə edə bilmir:

“İnsanlar normal həyat şəraitinə sahib deyillər. Kirayə mənzillərin minimum qiyməti 150 min dramdır, amma əhaliyə 60 min dram yardım edirlər. Bu soyuq günlərdə insanların istilik problemlərini də həll etmək lazımdır”.

O əlavə edib ki, gündəlik çörək problemi də var: “Hər bir erməniyə 68 min dram almalı olduğunu deyirlər. Qeydiyyata yeni başlanılıb. Deyirlər, pul mart ayının sonundan ödəniləcək. Amma bu, sadəcə populizmdir”.

Hokabyan əlavə edib ki, bu gün Qarabağda yaşayan ermənilərin çoxunun yaşayış imkanı yoxdur.

Göründüyü kimi, faktiki olaraq Xankəndi şəhərində guya “dövlət” qurulduğunu elan edən separatçılar burada yaşayan 20-30 minə yaxın erməninin sosial problemini həll etmək imkanında deyil. Faktiki olaraq çörək problemi mövcuddur. Üstəlik, Rusiyanın yardımları da problemi həll etmir.

Orada yaşayan ermənilərin bir çıxış yolu var: Azərbaycan qanunlarına hörmət etmək! Əks təqdirdə erməni əhali separatçılara qarşı sistemli aksiyalara başlayacaq.

Reyting.az




Bölməyə aid digər xəbərlər
bütün xəbərlər
{sape_links}{sape_article}