17:38 / 28-03-2024
Əməkdar artist vəfat edib
Britaniyanın hərbi gəmiləri Rusiya ilə döyüşə gəlir - Fotolar
Tarix: 19-04-2021 11:41 | Bölmə: Slayd
Britaniyanın hərbi gəmiləri Rusiya ilə döyüşə gəlir

Böyük Britaniya NATO və Ukrayna ilə həmrəylik göstərmək üçün Qara dənizə “Type 45” dağıdıcılar və “Type 23” hərbi gəmi göndərəcək.

Reyting.az
xəbər verir ki, Britaniya hərbi gəmiləri may ayında Qara dənizə daxil olacaq.

Xatırladaq ki, Ukraynaya görə Qərb və Avropa ilə Rusiya arasında gərginliyin artdığı bir vaxtda rus donanması Qara dənizdə ard-arda təlimlər keçirir.

İngiltərənin may ayında “Type 45” dağıdıcı və “Type 23” model hərbi gəmisini Qara dənizə göndərəcəyini yazan “The Sunday Times” qəzeti Krallıq Donanmasından bir rəsmiyə istinadla bildirib ki, gəmilərin Qara dənizə göndərilməsində məqsəd NATO və Ukrayna ilə həmrəylik nümayiş etdirməkdir.



“Type 45” hərbi gəmisinin zenit raketləri daşıdığı, “Type 23” model gəmisinin isə sualtı qayıqlara qarşı müdafiə silahları ilə təchiz edildiyi xatırlanır. Gəmilərin may ayında İstanbul boğazını keçəcəyi qeyd edilir.

Məlumat üçün bildirək ki, ABŞ daha əvvəl Montro Konvensiyasına uyğun olaraq iki hərbi gəmisinin Qara dənizə keçəcəyinə dair Ankaraya bilgi vermişdi. Gəmilərin aprelin 14 və 15-də Türk boğazlarını keçərək Qara dənizə daxil olacağı bildirilirdi. Lakin Türkiyənin diplomatik qaynaqları ABŞ-ın bu plandan imtina etdiyini açıqlayıb. ABŞ-ın Türkiyədəki səfirliyindən rəsmi Ankaraya bildiriblər ki, iki hərbi gəminin Qara dənizə daxil olması niyyətindən imtina ediblər. İndisə görünən budur ki, ABŞ-ın imtina etdiyi planı Britaniya Krallığı reallaşdırmaq istəyir.

Bu arada NATO Kerç boğazı ilə bağlı Rusiyaya xəbərdarlıq edib. NATO-nun sözçüsü Oana Lungescu Rusiyanın Qara dənizin bir hissəsində dənizə daxil olmaq planlarını qınayıb: “Kerç boğazı da daxil olmaqla Qara dənizin bəzi hissələrində Rusiyanın keçişi dayandırması planları haqda fikirləri narahatlıq yaradır”.



NATO sözçüsü belə bir həmlənin qeyri-qanuni olacağını, Rusiyanın sabitliyi pozan münasibətinin geniş bir nümunəsini təşkil edəcəyini bildirib.

Rusiyaya Azov dənizindəki Ukrayna limanlarına sərbəst üzməyə icazə verilməsi ilə bağlı çağırış edilib:

“Rusiya Krımın qanunsuz ilhaqından bu yana yarımada və ətrafında hərbi varlığını ciddi şəkildə artırıb. Rusiyanın Krımda, Qara dənizdə və Azov dənizində davam edən hərbi mövcudluğunu artırmağa çalışması Ukraynanın süverenliyinə daha böyük təhlükə yaradır və regionun sabitliyini ciddi şəkildə pozur”.

Reyting.az




Bölməyə aid digər xəbərlər
{sape_links}{sape_article}