Rusiya Türkiyəni təhdid edir
Tarix: 22-04-2021 11:59 | Bölmə: Slayd
Rusiya Türkiyəni təhdid edir

Rusiya Baş nazirinin müavini Yuri Borisov Türkiyənin Ukraynaya pilotsuz uçuş aparatları (PUA) tədarük edəcəyi təqdirdə Ankara ilə hərbi və texniki əməkdaşlığı gözdən keçirəcəklərini bildirib.

Reyting.az
xəbər verir ki, Yuri Borisovun bu açıqlamasının Rusiya prezidenti Vladimir Putinin Federal Məclisdə illik məruzəsindən sonraya təsadüf etməsi diqqəti cəlb edib.

“Ankaranın Ukraynaya dronlar (“Bayraqdar TB2”) tədarük etməsi halında Rusiyanın Türkiyə ilə hərbi-texniki əməkdaşlığı dayandırıb-dayandırmayacağı” haqda suala cavabında Rusiya Baş nazirinin müavini deyib ki, hər bir mövzunu ayrı-ayrılıqda qiymətləndirəcəklər.

Türkiyə mətbuatının “Ankaranın Ukraynaya PUA satmağa hazır olduğu” haqda manşetlərini diqqətə alan Rusiyanın “TASS” agentliyi isə Rusiya Xarici işlər naziri Sergey Lavrovun aprelin 12-də Moskvanın Türkiyə də daxil olmaqla məsuliyyəti olan ölkələrin “Durumu və Kiyev rejiminin bitmək bilməyən müharibə açıqlamalarını analiz etməyə çağırdığını, onları bu militarist cəhdləri mənimsəməmələri mövzusunda xəbərdar etdiyini” xatırladıb.

Məlumatda Ukraynanın 2019-cu ildə Türkiyədən “Bayraqdar TBN2” dronları alaraq testdən keçirdiyi və bunların türk firması “ROKETSAN” tərəfindən istehsal edilərək MAM-L ağıllı mikro silahlarla təchiz etməyi planlaşdırdığı bildirilib.

“TASS” Ukraynanın “Ukrspetsexport” şirkətinin baş direktoru Vadim Nozdryanın 2020-ci ilin sentyabrında Kiyevin “Bayraqdar TB2” PUA-larının Ukraynada müştərək istehsal edilməsi ilə maraqlandığını və Ukrayna ordusunun bu model daha 48 dron almaq istədiyini də xatırladıb.

Y. Borisovun məlum açıqlaması isə göstərir ki, Rusiya hərbi sənayesi hələ də Türkiyə istehsalı olan dronlara qarşı effektiv müdafiə aparatları ortaya çıxara bilməyib. Baxmayaraq ki, bir müddət əvvəl Rusiyada hərbi sahəyə yaxın mətbuat ölkədə “Lancet” dronları istehsal etdildiyini və bu dronların “Bayraqdar TB2”-ni məhv etmək imkanında olduğuna dair məlumatlar yayıblar.

Reyting.az




Bölməyə aid digər xəbərlər
{sape_links}{sape_article}