“Xocalıda hərbi parad olacaqsa, Azərbaycan ordusu da orada iştirak etməlidir” - Siyasi şərhçi
Tarix: 22-04-2021 13:37 | Bölmə: Slayd
“Xocalıda hərbi parad olacaqsa, Azərbaycan ordusu da orada iştirak etməlidir”

“Rusiya sülhməramlı qüvvələrinin mayın 9-da Dağlıq Qarabağda hansısa parada hazırlaşması haqda məlumatlar doğrudursa, bu, kobud müdaxilə və Azərbaycan hüquqlarına hörmətsizlikdir”.

Bu fikirləri Reyting.az-a siyasi şərhçi Oqtay Qasımov deyib.


O. Qasımov

O. Qasımov qeyd edib ki, əslində son dövrlər Rusiyanın qaba siyasəti önə çıxır: “Bir müddət əvvəl Rusiya Müdafiə naziri müavininin Qarabağa səfəri də bu qaba siyasətə aiddir. Rusiya sülhməramlılarının Xocalı hava limanında 9 Mayı qeyd etməklə bağlı parad keçirmək istəyi də bu qaba siyasətin göstəricisidir. Əslində bu cür hərəkətlər ikitərəfli münasibətlərə zərər vurmaqla yanaşı tərəflər arasında etimadı azaldır. Həm də bu səbəbdən belə hərəkətlər qəbuledilməzdir”.

Siyasi şərhçi bildirib ki, əgər sülhməramlıların belə bir parad keçirmək niyyəti varsa, ilk növbədə bu haqda Azərbaycana məlumat verilməlidir: “Eyni zamanda belə bir parad Azərbaycan Silahlı Qüvvələrinin bir bölməsinin iştirakı keçirilə bilər. Bu halda biz parada başqa cür münasibət bildirərik. Əks təqdirdə belə bir addımın atılması xoşagələn hadisə sayılmayacaq”.

O. Qasımov əlavə edib ki, sülhməramlılar həddini aşmamalı və öz missiyası daxilində fəaliyyət göstərməlidir.

Reyting.az




Bölməyə aid digər xəbərlər
bütün xəbərlər
{sape_links}{sape_article}