Çin Afrika qitəsini ABŞ-dan alır - General sensasiyalı açıqlama verib
Tarix: 08-05-2021 16:04 | Bölmə: Slayd
Çin Afrika qitəsini ABŞ-dan alır - General sensasiyalı açıqlama verib

Çin Afrikada çox geniş bir bölgəni təhdid edə biləcək dəniz bazası yaratmağa çalışır. Bu, ABŞ-ın Çinə qarşı qurduğu ittifaqı bu ölkənin donanması ilə üz-üzə qoya bilər.

Reyting.az
xəbər verir ki, Afrika qitəsindəki ABŞ-ın hərbi əməliyyatlarına rəhbərlik edən general Stephan Tovnsend bəyan edib ki, Çin rəsmiləri “məxfi plan” çərçivəsində Movritaniyadan Namibyanın cənubuna qədər uzanan ölkələrlə təmas yaradır.

General qeyd edib ki, Çin hərbi gəmirlərini yenidən silahlandırmaq və təmir edilə biləcək yer axtarışındadır: “Belə bir limanın əldə olunması hərbi qarşıdurma zamanı yararlı olardı”.

S. Tovnsendin fikrincə, Çin Afrikanın qərb sahillərində sualtı qayıqlarına və Pekinin hərbi gücünü birbaşa Atlantik okeanına köçürə biləcək qırıcıdaşıyan gəmilərinə qərargah olacaq dəniz bazası qurmağa çalışır.

Pentaqonun Afrika qüvvələrinə (AFRİCOM) rəhbərlik edən general Tovnsend bəyan edib ki, Çin ordusunun qitənin Hind okeanı tərəfindəki Afrika buynuzundan 3500 kilometrdən uzaqlıqdakı Cibutidə belə bir baza qurmağa çox yaxındır: “İndi diqqətlərini Atlantik sahillərinə çevirir və orada belə bir baza qurmaq istəyirlər”.

Generalın bu sensasiyalı bəyanatı Vaşinqtonda Çini müşahidə edənlərin panikasına səbəb olub. Bəziləri Pentaqonun son illər xəbərdarlıq etdiyi bu həqiqətlərə inanmağın və təklifləri qiymətləndirməyin vacib olduğunu bildirirlər.

Demokratiyanın Müdafiə, Hərbi və Siyasi güc Mərkəzinin rəhbəri Bradley Bovman bildirib ki, Atlantik okeanında suyun altında və üzündə Çin donanmasını görmək an məsələsidir.

“Amerikalıların bunun gəldiyini bilmələri lazımdır və o zamana qədər hazırlaşmaq üçün nə edəcəyik”,- sualını verən Bovman general Tovnsendin xəbərdarlığının ABŞ-ın müdafiə xərclərini müzakirə edən qanunvericilərin nəzərə almalarının vacibliyinə diqqət çəkib.

Qeyd edək ki, AFRİCOM komandanının xəbərdarlığı ABŞ konqresmenlərinin diqqətini Pekinin Afrikada genişlənən fəaliyyətinı diqqət yönəltməyə çalışmalarından iki gün sonraya təsadüf edib.

General Tovnsend Senatın qarşısında ifadə verib. Bildirib ki, Pekin son illərdə bir sıra Afrika ölkələrinə 60 milyard dollarlıq infrastruktur və inkişaf kreditləri vəd edib. Eyni zamanda Cibutidəki Çin hərbi əməliyyatlarının məqsədi qitəyə və qitə sularına qədər gücünü təqdim edəcək platforma yaratmaqdır.



Pekin Afrikada ilk dəniz bazasını Cibutidə qurub və bazanın tutumunu artırır. General Tovnsend deyir ki, bazada 2 min hərbçi yerləşdirilib: “Əlbəttə, silahları və zirehli tenikaları, ləvazimatları var. Yaxınlarda hücum helikopterlərini də oraya gətirəcəklərini ehtimal edirik”.

İşin maraqlı tərəfi odur ki, Çinin Cibutidəki bazası ABŞ donanması liderliyindəki 3400 əsgərin olduğu Afrika buynuzundakı Lemonnierdən 10 kilometr uzaqlıqda yerləşir.

“Pekin şərqi, qərbi və cənubi Afrikadakı ticarət limanına investisiyasını geostrateji maraqlarının inkişafı baxımından hərbi qüvvələrinin iştirakı ilə həyata keçirəcək və yeni bazalar açmağa çalışacaq”,- General Tovnsend Konqresdəki çıxışında deyib.

Xatırladaq ki, Bayden hökuməti Çinin sürətlə böyüyən iqtisadiyyatını, nüfuz və hərbi gücünü ABŞ-ın uzunvədəli təhlükəsizlik siyasətinin əsas maneəsi sayır. Prezident Bayden səlahiyyətlərinin icrasına başlayan kimi ilk xarici siyasət həmləsini Çinə qarşı yönəltmək məqsədilə ABŞ-Yaponiya və Avstraliya-Hindistandan ibarət “Dördlük” konfiqurasiyasını yaratmaqla edib.

Dünyanın dörd bir yanındakı ABŞ hərbi komandanları Pekinin Afrika, Cənubi Amerika və Yaxın Şərq ölkələri üzərindən aqressiv şəkildə iqtisadi nüfuza sahib olduğunu və bu ərazilərdə baza yaratmaq niyyətinə düşdüyünə dair xəbərdarlıqlar edirlər.

Nəzərə alınmalıdır ki, Pekin mübahisəli Cənubi Çin dənizində bazalar qurmaq üçün illərini xərcləyib, Şirlanka və Pakistanda Çin tərəfindən maliyyələşdirilən uzaq limanlara sualtı qayıqlar və hərbi gəmilər göndərir. Bu fəaliyyətə adekvat olaraq ABŞ rəsmiləri Pekinin Afrikaya cəmləşməsinin altını cızırlar. Hətta açıq elan edirlər ki, Çin Afrikadakı bəlli ölkələrdə ABŞ-ı geri buraxaraq irəliləyə bilib. Pekin buna liman layihələri, iqtisadi təşəbbüslər, infrastruktur və onların razılaşdırılması müqavilələri ilə nail olub. Başqa sözlə, Çin Afrikaya böyük sərmayə yatırır ki, bu da yaxın gələcəkdə Afrika qitəsinə hakim olmaq imkanları yaradır.

Reyting.az




Bölməyə aid digər xəbərlər
bütün xəbərlər
{sape_links}{sape_article}