08:23 / 21-10-2021
Azad Zəngilan - Fotolar
Bu gün Moskvada Zəngəzur dəhlizinin açılması müzakirə olunacaq
Tarix: 12-10-2021 09:48 | Bölmə: Slayd
Bu gün Moskvada Zəngəzur dəhlizinin açılması müzakirə olunacaq

“Nikol Paşinyan Rusiyaya gedir. Hələlik rəsmi məlumat yoxdur. Görünür yenə hansısa oyunlar oynamaq, yalvarmaq, nəsə əldə etmək istəyir. Məğlub olmuş dövlətdir, gah İrana qaçırlar, gah da Moskvaya gedirlər. Həmişə oynadıqları oyundur. Hamıdan nəsə əldə etmək istəyirlər. Mən, Paşinyanın Rusiya səfərindən heç nə gözləmirəm”.

Bu fikirləri Reyting.az-a Demokratik İslahatlar Partiyasının sədri, Milli Məclisin üzvü Asim Mollazadə Paşinyanın Rusiya səfərindən danışarkən deyib.

A. Mollazadə qeyd edib ki, N. Paşinyanın Moskva səfərində Qarabağ və Azərbaycanla münasibətlər mövzusu da müzakirə ediləcək. Onun sözlərinə görə, Rusiya rəhbərliyi 10 noyabrda imzalanmış üçtərəfli razılaşmaya hörmətlə yanaşmalı, onun icrasına çalışmalı və Ermənistandan da bunu tələb etməlidir: “Qısası, sənəd icra edilməlidir. Amma inanmıram ki, Ermənistanın bütün oyunları vəziyyəti dəyişdirmək üçün nələrəsə gətirib çıxara bilər”.

Partiya sədri bildirib ki, Paşinyanın Moskva səfəri həm də İran-Azərbaycan münasibətlərinin gərgin dövrünə təsadüf edir:

“Bəli, İran tərəfi münaqişənin həll olunmasında, Zəngəzur dəhlizinin açılmasında maraqlı deyil. İranın özünün ağır problemləri var və yaxın müddətdə nüvə problemini həll etməsə, böyük faciələrlə üzləşə bilər. Bu səbəbdən son hərəkətləri İran üçün məqsədəuyğun deyil. Üstəlik, mən inanmıram ki, belə bir durumda Rusiya İranı düşdüyü vəziyyətdən xilas etmək üçün cəhd göstərsin. Odur ki, İranda bu barədə yaxşı düşünməlidirlər”.

A. Mollazadə sonda diqqətə çatdırıb ki, hazırda Cənubi Qafqazda sülh və sabitliyin olması Rusiyanın maraqlarına uyğundur: “Eyni zamanda Zəngəzur dəhlizinin açılması da Rusiya üçün sərfəli gedişdir. Bu, Putin üçün çox mühüm amildir. Hesab edirəm ki, Moskva görüşündə bu məqamlar Paşinyanın diqqətinə çatdırılacaq”.

Reyting.az




Bölməyə aid digər xəbərlər
{sape_links}{sape_article}