08:23 / 21-10-2021
Azad Zəngilan - Fotolar
İran Azərbaycana hərbi təhlükə yarada bilməz - Professor
Tarix: 13-10-2021 15:57 | Bölmə: Slayd
İran Azərbaycana hərbi təhlükə yarada bilməz

“İran geri çəkiləcək. Tehran anlayır ki, Azərbaycanın arxasında Türkiyə dayanır. Yəni sona qədər getmək qərarı versə, təkcə Azərbaycanla deyil, Türkiyə ilə də üz-üzə gəlməli olacaq. Həm də bu səbəbdən geri çəkilməyə məcburdur. Bilir ki, nəticə etibarı ilə Türkiyə çox qəddar mövqe tuta bilər”.

Bu sözləri Reyting.az-a professor Rüstəm Məmmədov İran-Azərbaycan münasibətlərindəki gərginlikdən danışarkən deyib.

R. Məmmədov bildirib ki, İranın geri çəkilməkdən başqa seçimi yoxdur:

“Məlumatlara görə, İran xarici işlər naziri Azərbaycana səfər edəcək. Fikrimcə, gəlib deyəcək ki, biz, Azərbaycanla dostuq, qardaşıq. Amma kimdir ona inanan? Hamı bilir ki, İran Azərbaycanı qorxutmağa çalışıb, sərhədlərimizdə hərbi təlimlər keçirib, bizim müharibə etdiyimiz ölkəyə hər cür dəstək verib. Odur ki, reallıqlar indi qabarıq formada ortadadır. Diplomatiya bir yana, sadə insanlar da Tehranın son fəaliyyəti haqqında geniş informasiyaya malikdirlər”.

İran Xarici İşlər Nazirliyi sözçüsünün guya əllərində müharibə zamanı Azərbaycandakı hansısa terrorçuların olmasına dair səs yazısının mövcudluğunu bildirməsinə gəldikdə, R. Məmmədov bunu “nağıl” adlandırıb:

“İran bizi daima sıxmaq istəyir. Həm də atdıqları addımlara əsassız arqumentlər də gətirməyə çalışırlar. Müharibədən artıq bir il zaman keçir. Amma hansısa səs yazısı bunların yadına indi düşür. Əlbəttə, əsassız iddiadır”.

R. Məmmədov xatırladıb ki, Rusiya və İran arasında 1921-ci il müqaviləsi var: “Rusiya bu müqaviləyə əməl olunmasının tərəfdarıdır. Həmin müqaviləyə görə, İran bu bölgə ilə bağlı hər hansı addım atacaqsa qarşısında Rusiyanı görəcək. Rusiya o sazişə əməl olunmasını tələb edir. Həmin sazişə əsasən, İran regiona girə bilməz. Bu mənada İrandan hərbi təhlükə gələ bilməz və gəlməməlidir”.

Professor sonda əlavə edib ki, İran-Azərbaycan münasibətlərindəki gərginlikdə tezliklə səngimə müşahidə oluna bilər.

Reyting.az




Bölməyə aid digər xəbərlər
{sape_links}{sape_article}