11:29 / 07-12-2021
Azərbaycan nefti bahalaşır
Türk ordusu təhlükəli bölgəyə silah-sursat daşıyır - Döyüşlər yenidən başlaya bilər
Tarix: 23-10-2021 12:19 | Bölmə: Slayd
Türk ordusu təhlükəli bölgəyə silah-sursat daşıyır - Döyüşlər yenidən başlaya bilər

Suriya rejiminin mülki insanların yaşayış məntəqələrinə yeni hücumlarının qarşısını almaq üçün Türkiyə Silahlı Qüvvələri əlavə tədbirlər görür.

Reyting.az
xəbər verir ki, “Gərginliyi azaltma bölgəsində” hava əməliyyatlarını dayandıran Suriya rejimi əraziyə tank, ağır silahlar və hərbçilər yollayıb.

Bölgədəki müşahidəçilər, rejim qüvvələrinin sərhəd bölgələrinə xüsusi əməliyyat qoşunları göndərdiyi və Cəbəl əz-Zəviyə bölgəsinə nəzarət etmək üçün mövqelərini gücləndirdiyini bildirirlər.

Suriya rejiminin hərəkətə keçməsi bölgədəki mülki əhalinin də narahatlığına səbəb olub. Yerli sakinlər ərazini tərk etməyə hazırlaşır.



Türk Silahlı Qüvvələri (TSK) Rusiya tərəfindən dəstəklənən Suriya rejiminə eyni formada cavab verir. Başqa sözlə, bölgəyə silah və sursat daşınır. Bu isə o deməkdir ki, Suriyanın şimalında TSK-nın əməliyyatı an məsələsidir.

Bölgədə gərginliyin artmasından sonra ABŞ-ın Suriya üzrə xüsusi nümayəndəsi “Tvitter”də açıqlama yayaraq Suriyadakı zorakı hadisələri qınayıb və tərəfləri gərginliyi azaltmağa, atəşkəsə hörmətlə yanaşmağa çağırıb. ABŞ-ın Suriyadakı səfirliyi də tərəfləri atəşkəs rejiminə riayət etməyə səsləyib. Səfirliyin “Twitter” səhifəsində ərəb və ingilis dillərində “Biz bütün tərəfləri atəşkəs rejiminə hörmət etməyə və hər şeydən əvvəl mülki şəxslərin həyatını qorumağa çağırırıq”,- deyilir.



Görünən odur ki, TSK-nın Suriyanın şimalında yeni əməliyyata hazırlaşması ABŞ başda olmaqla bölgədəki digər qüvvələri ciddi narahat edir.

Onu da qeyd edək ki, Türkiyənin Milli müdafiə naziri Hulusi Akar Brüsseldə NATO müdafiə nazirlərinin görüşündən sonra mümkün əməliyyat barədə jurnalistlərin suallarını cavablandırıb. Akar deyib ki, hadisələri çox yaxından izləyirlər, yeri və zamanı gəldikdə lazım olanı edəcəklər.

Reyting.az




Bölməyə aid digər xəbərlər
bütün xəbərlər
{sape_links}{sape_article}